Read Tedim Chin JOSHUA 12 Bible Online

JOSHUA 12 - Tedim Chin bible

JOSHUA 12

¹Tu-in nisuahna lam Jordan galkhat, Arnon kuam panin Arabah khempeuh, Hermon Mual ciang dong Israel mite in a leitang uh laksakin a zawh kumpi nihte:

²Heshbon-ah a teng Amor kumpi, Arnon kuam gei-a om Aroer pan, le Gilead kuam laizang panin phellang ahi Ammon mite’ gamgi Jabbok gun ciang dong, le Arabah panin nisuahna lamah Khinneroth Tuipi, le Bethjeshimoth lamah Pisgah mualpang bul leitaw lama om Ci Tuipi ahi Arabah tuipi ciang dong a uk Sihon;

⁴le Bashan kumpi, Refaim panin a suaktate lakah khat, Ashtaroth le Edrei-ah tengin, Hermon Mual le Salekah le Bashan gam khempeuh, Geshur mite le Maakath mite gamgi ciang, le Gilead langkhat panin Heshbon kumpipa Sihon’ gamgi ciang dong a uk Og ahi hi.

⁶TOPA’ nasem Moses le Israel mite in amau tegel a zo uh hi. Tua ciangin TOPA’ nasem Moses in Reuben mite le Gad mite le Manasseh minam alangte tungah a neih dingun amau’ leitang a pia hi.

⁷Hihte pen, Joshua le Israel mite in a zawh Jordan nitumna lampang, Lebanon kuam sung Baalgad panin Seir lamah a kikhungto Halak Mual kikal-a om kumpite ahi hi. (Joshua in mualtung gam, lei niamna gam, Arabah gam, mualpang suk, sehnel gam, le Negeb gam sunga om Hit mite, Amor mite, Kanaan mite, Perez mite, Hiv mite, le Jebus mite’ leitangte Israel minamte’ tungah amau’ ngah ding tawh kizui-in a neih dingun a pia hi.)

⁹A zawh uh kumpite: Jerikho kumpi, khat; Bethel gei-a om Ai kumpi, khat;

¹⁰Jerusalem kumpi, khat; Hebron kumpi, khat;

¹¹Jarmuth kumpi, khat; Lakhish kumpi, khat;

¹²Eglon kumpi, khat; Gezer kumpi, khat;

¹³Debir kumpi, khat; Geder kumpi, khat;

¹⁴Hormah kumpi, khat; Arad kumpi, khat;

¹⁵Libnah kumpi, khat; Adullam kumpi, khat;

¹⁶Makkedah kumpi, khat; Bethel kumpi, khat;

¹⁷Tappuah kumpi, khat; Hefer kumpi, khat;

¹⁸Afek kumpi, khat; Lasharon kumpi, khat;

¹⁹Madon kumpi, khat; Hazor kumpi, khat;

²⁰Shimronmeron kumpi, khat; Akshaf kumpi, khat;

²¹Taanak kumpi, khat; Megiddo kumpi, khat;

²²Kadesh kumpi, khat; Karmel gam sunga Jokneam kumpi, khat;

²³Nafathdor sunga Dor kumpi, khat; Galilee sunga Goiim kumpi, khat;

²⁴Tirzah kumpi, khat; a vekpi-in kumpi sawmthum le khat ahi hi.