Read Tedim Chin JOSHUA 21 Bible Online

JOSHUA 21 - Tedim Chin bible

JOSHUA 21

¹Tua ciangin siampi Eleazar le Nun tapa Joshua le Israel minam beh lutangte kiangah Levi beh lutangte hong pai uh hi.

²Amaute in Kanaan gam sung Shiloh munah, “Ten nadingin khuapi le ka ganhingte uh a dingin a lononate tawh kote hong kipiak ding Moses tungtawnin TOPA in thu piazo hi,” ci-in amaute kiangah a gen uh hi.

³Tua ahih ciangin TOPA’ thupiakna tawh Israel mite in amau’ luah sung panin Levi mite tungah a nuai-a khuapite le lonona gamte a pia uh hi.

⁴Kohath behte a dingin aisan hong tung hi. Tua ahih ciangin siampi Aaron’ suanlekhak ahi Levi mite in Judah, Simeon, le Benjamin minamte tung panin aisanna tawh khuapi sawm le thum ngah uh hi.

⁵Tua ciangin a omlai Kohath mite in Efraim minam, Dan minam le Manasseh minam alangte tung panin aisanna tawh khuapi sawm ngah uh hi.

⁶Gershon mite in Issakhar minam, Asher minam, Naftali minam, le Bashan gam sunga om Manasseh minam alangte tung panin aisanna tawh khuapi sawm le thum ngah uh hi.

⁷Merari mite in a beh uh tawh kizui-in Reuben minam, Gad minam, le Zebulun minamte tung panin khuapi sawm le nih ngah uh hi.

⁸TOPA in Moses tungtawnin a thupiak bangin hih khuapite le a lonona gamte Israel mite in aisanna tawh Levi mite tungah a pia uh hi.

⁹Judah minam le Simeon minam sung panin amaute in a nuai-a min kigen khuapite pia uh a,

¹⁰Levi mite ahi Kohath beh sung panin Aaron’ suanlekhakte tungah tung hi; amaute tungah a ai kia masa ahih man hi.

¹¹Amaute in Judah mualtung gam Kiriatharba, Arba pen Anak’ pa (Hebron a cihna), a kiima lonona gam tawh amau tungah pia uh hi.

¹²Ahih hangin tua khuapi’ lote le a khuaneute pen Jefunneh’ tapa Kaleb tungah a neih dingin kipia khin hi.

¹³Amaute in siampi Aaron’ suanlekhakte tungah mi thatte’ bukna khuapi Hebron a lonona gamte tawh, Libnah a lonona gamte tawh,

¹⁴Jattir a lonona gamte tawh, Eshtemoa a lonona gamte tawh,

¹⁵Holon a lonona gamte tawh, Debir a lonona gamte tawh,

¹⁶Ain a lonona gamte tawh, Juttah a lonona gamte tawh, le Bethshemesh a lonona gamte tawh, hih minam nihte sung panin khuapi kua a pia uh hi.

¹⁷Tua ciangin Benjamin minam panin Gibeon a lonona gamte tawh, Geba a lonona gamte tawh,

¹⁸Anathoth a lonona gamte tawh, le Almon a lonona gamte tawh, khuapi li a pia uh hi.

¹⁹Siampi Aaron’ suanlekhakte’ khuapite a vekpi-in khuapi sawmthum le thum, a lonona gamte tawh ahi hi.

²⁰Levi mite sung panin Kohath beh ahi a omlai Kohath mite tungah a kipia khuapite pen Efraim minamte a’ sung pan ahi hi.

²¹Efraim mualtung gam a om khuapite sung panin mi thatte a’ ding Shekhem a lonona gamte tawh, Gezer a lonona gamte tawh,

²²Kibzaim a lonona gamte tawh, le Bethhoron a lonona gamte tawh, khuapi li amaute tungah kipia hi.

²³Tua ciangin Dan minam sung panin Eltekeh a lonona gamte tawh, Gibbethon a lonona gamte tawh,

²⁴Aijalon a lonona gamte tawh, le Gathrimmon a lonona gamte tawh, khuapi li kipia hi.

²⁵Tua ciangin Manasseh minam alangte sung panin Taanak a lonona gamte tawh, le Gathrimmon a lonona gamte tawh, khuapi nih kipia hi.

²⁶Kohath mi a omlai behte’ khuapite a vekpi-in a lonona gamte tawh khuapi sawm ahi hi.

²⁷Tua ciangin Levi beh sunga om Gershon mite tungah Manasseh minam alangte a’ sung panin Bashan gam sunga om khuapite sung panin mi thatte a dingin bukna khuapi Golan a lonona gamte tawh, le Beeshterah a lonona gamte tawh, khuapi nih kipia hi.

²⁸Tua ciangin Issakhar minam sung panin Kishion a lonona gamte tawh, Daberath a lonona gamte tawh,

²⁹Jarmuth a lonona gamte tawh, le Engannim a lonona gamte tawh, khuapi li kipia hi.

³⁰Tua ciangin Asher minam sung panin Mishal a lonona gamte tawh, Abdon a lonona gamte tawh,

³¹Helkath a lonona gamte tawh, le Rehob a lonona gamte tawh, khuapi li kipia hi.

³²Tua ciangin Naftali minam sung panin Galilee gam sunga om khuapite sung panin mi thatte a dingin bukna khuapi Kedesh a lonona gamte tawh, Hammothdor a lonona gamte tawh, le Kartan a lonona gamte tawh, khuapi thum kipia hi.

³³Gershon mite beh tuamtuamte’ khuapite a vekpi-in a lonona gamte tawh khuapi sawm le thum ahi hi.

³⁴Tua ciangin Levi mi a omlai Merari behte tungah, Zebulun minam sung panin Jokneam a lonona gamte tawh, Kartan a lonona gamte tawh,

³⁵Dimnah a lonona gamte tawh, le Nahalal a lonona gamte tawh, khuapi li kipia hi.

³⁶Tua ciangin Reuben minam sung panin Bezer a lonona gamte tawh, Jahaz a lonona gamte tawh,

³⁷Kedemoth a lonona gamte tawh, le Mefaath a lonona gamte tawh, khuapi li kipia hi.

³⁸Tua ciangin Gad minam sung panin Gilead gam sunga om khuapite sung panin mi thatte a’ ding bukna khuapi Ramoth a lonona gamte tawh, Mahanaim a lonona gamte tawh,

³⁹Heshbon a lonona gamte tawh, le Jazer a lonona gamte tawh, a vekpi-in khuapi li kipia hi.

⁴⁰Levi beh a omlai ahi Merari beh tuamtuamte a’ ding khuapi a kipia a vekpi-in sawm le nih ahi hi.

⁴¹Israel mite’ neihsa lakah Levi mite’ khuapi a vekpi-in a lonona gamte tawh khuapi sawm le giat ahi hi.

⁴²Hih khuapite in a kiim ciatah lonona gam nei ciat a, hih khuapi khempeuh tua bang ahi hi.

⁴³Tua bangin TOPA in amau’ pulepate tungah piak dingin a kiciam leitang khempeuh Israel tungah pia a, amaute in a ngah khit uh ciangin tua lai-ah a teng uh hi.

⁴⁴Tua ciangin a pu a pate uh tungah a ciamsa bangin TOPA in amaute tungah na khempeuhah tawlngakna a pia hi. TOPA in a galte khempeuh uh amau khut sungah pia ahih manin a galte uh khat beek in zong amaute nang zo lo hi.

⁴⁵TOPA in Israel mite tungah a ciamsa thuhoih khempeuh khat zong a mawkna om lo a, a vekpi-in tangtung kim hi.