Read Tedim Chin JAMES 4 Bible Online

JAMES 4 - Tedim Chin bible

JAMES 4

¹Note lakah a om kitotna le kilaina koi panin hong piang ahi hiam? Deihluatna lungsim na neih manun note’ pumsung a kitoktok niloh ahi hi.

²Na na deih uh a, ahi zongin nei lo na hih manun mi na thatnuam uh hi. Nate deihna lungsim na nei uh a, ahi zongin ngah zo lo na hih manun kitawngin na kilailawh uh hi. Pasian kiangah na deih uh ngen lo na hih manun a ngah lo na hi uh hi.

³Pasian kiangah na nget sun uh ciangin zong note’ nopsak nading bek ngenin, na ngaihsutna uh man lo ahih manin a ngah lo na hi uh hi.

⁴A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

⁵Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

⁶Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

⁷Tua ahih manin Pasian’ thu na mang un. Dawimangpa na nial un. Nial le-uhcin no kiang panin taikhia ding hi.

⁸Pasian kiang nai un. Amah in zong hong nai ding hi. Mawhneite in na khut uh silsiang unla, a kineihkhemte in na lungsim uh siangsak un.

⁹Dahin, thumin, kap un. Na nuihnate uh kahna suaksak zaw unla, na lungdamnate uh maigumna suaksak zaw un.

¹⁰Topa mai-ah kiniamkhiat un. Tua hileh amah in hong lian bawl ding hi.

¹¹Sanggamte aw, khatlekhat kigensia kei un. A mipihte gensia-in thu a khente in Thukham gensia-in thu a khen ahi hi. Thukham na gensiat uhleh Thukham a zui hi loin thu a khen na hi uh hi.

¹²Thukham a pia pa le thu a khen pa pen Pasian bek hi a, amah bek in hong honkhiazo a, hong susiazo hi. Tua ahih manin bang hangin na mipihte uh gensia-in thu a khenthei dingin kingaihsun zenzen na hi uh hiam?

¹³Tuni ahih kei leh zing ciangin tua khua tua khua-ah va pai-in, kum khat bang va omin, sumbawlin a meet tampi va ngah ni, a ci mite aw, ka thugen hong ngai dih un.

¹⁴Zing ciangin na nuntakna uh bangci ding cih nangawn na thei kei uh hi. Meiilum tawlkhat sung kaii-in a mangthang pak tawh a kibang lel na hi uh hi.

¹⁵Note in, “Topa in hong thukimpih nakleh nungta-in tua bang tua bang i sem ding hi,” na cih ding uh hi bek hi.

¹⁶Ahi zongin note kihisakin na kisial uh hi. Tua bangte hoih het lo hi.

¹⁷A hoih a manin gamtat ding thei napi-in a gamta lote a khial ahi hi.