Read Termanu 2 SEMUEL 23 Bible Online

2 SEMUEL 23 - Termanu bible

2 SEMUEL 23

¹Isai anan Dauk, nanahelek da'di manek, de Yakob Manetualain-na, Ana taon da'di hataholi matua. Dauk boeo nde tao fe Israel nakameek. Dauk hala-kokola mate'en-nala nde ia:

²MANETUALAIN Duladalen-na nafa'da basa tunga au; hala hehelun ma paletan-na nai au difadoong-nga.

³Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu MANETUALAIN,

⁴Ndia sama leo dulufula nai fai lolebalahaan-na, nai lelek lalai-a namaneu Ndia sama leo le'do nahaa nai lelek u'dan-na hai ana taon-na na'u momo'dok-ka nandela-nasa'a.”

⁵Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

⁶Tehu hataholi fo ana ta tunga MANETUALAIN fa, sama leo nggauk fo nanatu'u-tapa henik-ka. Hataholi-a liman-na ta hapu ho'u la'e fan;

⁷ta hapu hataholi esa boen, fo ana nau koila'en metema ana ta pake buas esa, taon neme aido besi mai. Ha'i-a na'a namopo hataholi sila-la.

⁸Dauk malanga solda'du palani tatibatun-nala, na'den-nala nde ia: Hataholi makasososak-ka nde, Ishbaal, hataholi Hakhmoni, fo mauli-malangan nai “Bubuak ka Telu-a.” (Triwira). Ana la'ban hai hataholi 800, nai natee-natatik esa dalek, de ana tee nisa la'iesak-kasa.

⁹Hataholi ka dua nai Bubuak ka Telu (Triwira) ndia dalek nde, Eleazar, fo Dodo anan-na, neme leo-ingu Ahohi mai. Ana tunga Dauk, nai lelek lasasalematak loo hataholi Filistin-nala, fo ndia te lakabubua fo latee-lata'ti. Boema, nai lelek solda'du Israel-la lakadedeak boema,

¹⁰Eleazar natee-nata'ti nakandoo, fo ana tao namopo-namate hataholi Filistin-nala, nalosa ana sota-mangu nanseli. Liman-na mela, nalosa tafainan-na ta hapu natapo'i neme liman-na mai fa. Nai faik ndia dalen-na, MANETUALAIN fe sesengi matuaina neu hataholi Israel-la. Solda'du Israel fo na'kasa lakadedeak-ka, ala fali ma'is leo mamanak fo Eleazar natee-nata'ti, boema ala o'du-la hataholi manamatek manai sila-la ba'du natee-nata'tin-nala.

¹¹Hataholi ka telu manai Bubuak ka Telu (Triwira) ndia dalek-ka nde, Sama, fo Age neme Harari mai, anan-na. Lelek hataholi Filistin-nala lakabubua leme Lehi, fo nai tina esa henuk no fufue pilas, solda'du Israel-la lalai hai leme hataholi Filistin-nala mai.

¹²Tehu Sama natee-nata'ti nahele, de ana taonisa hataholi Filistin-nala boema ana sengis, nalosa tina ndia ta tu'da leo musu liman dale neu fa. Leondiak, MANETUALAIN fe hataholi Israel-la sesengik matuaina.

¹³Nai fai fe'ek, fo sanga deka fai keketu-kokoluk-ka, hataholi telu leme Dauk malanga solda'du matuaina ka teluhulu fo nananita-nalelak-kala, ala kona leo Leak Adulam-ma leu. Lelek ndia, Dauk nai kota musu manai leak ndia dalek. Hataholi Filistin-nala ofu leme Bafak Refaim-ma, de sila solda'dun bubuak esa, langatuu-la Betlehem.

¹⁵Dauk nafandele nggolo-ta'dun, de nafa'da nae, “Ah, sa'di leo been-na, fe au inu oe neme oedolu manadeka no Betlehem lelesuinan-na, oen-na mai!”

¹⁶Malanga solda'du matuaina ka teluk sila-la lamanene boema, ala tola tunga hataholi Filistin-nala ofun-na tala'da, fo leu aso oe neme oedolu ndia mai, de leni fe Dauk. Tehu Dauk ta nau ninu fan, te ana tunu-hotu oe ndia da'di leo tutunu-hohotuk soaneu MANETUALAIN.

¹⁷Nafa'da nae, “Ou MANETUALAIN, au ta bisa inu oe ia fa! Metema au inun soona, nono'kabai de au inu hataholi fo lapalani mate-a, daan-na nde ndia!” Da'di, Dauk ta nau ninu oe ndia makandondook fa. Malanga solda'du matuaina ka teluk fo palani ta'ti batu sila-la, tatao-nono'i malolen-nala nde ndia.

¹⁸Malanga solda'du matuaina ka teluhulu fo palani tatibatu sila-la, ala foin na'de “Tridasawira” boe. Sila mauli-malangan nde Yoab fa'din Abisai, fo Zeruya anan-na. Ana tee nisa hai, hataholi natun telu so. Hu ndia de, ana da'di hataholi palani tatibatu. Tehu palanin-na ta dai solda'du “Triwira” fa.

²⁰Malanga solda'du matuaina palani tatibatu fe'ek esa nde Benaya, fo Yoyada hataholi Kabzeel ndia, anan-na. Napalani nanseli. Ana taonisa hataholi palani tatibatu dua, leme Moab mai. Nai faik esa, fo la'e fai mako'dendenuk boema, neu leo bolok esa dalek neu, de ana taonisa hai singa esa nai bolok ndia dalek.

²¹Boeo ana taonisa hai hataholi Masir esa, aon-na makadelek ma ana ho'u tee. Benaya nasasalematak non, ka'da nenik aitete'ek. Ana loso-na tee manai hataholi Masir ndia liman-na, de ana taonisa hataholi ndia, nenik tee ndia.

²²Benaya, fo hataholi esa neme hataholi palani ta'ti batu ka teluhuluk-kala “Tridasawira” mai, tatao-nono'i malolen-na nde ndia.

²³Nai bubuak ndia dalek, Benaya nde nai uluk-ka, tehu napalanin-na ta dai bubuak ka telu-a fa. “Triwira” Dauk so'un da'di malangan neu solda'du manamanea ndia.

²⁴Bubuak ka Telu-a, “Tridasawira” hataholin nggelok nde ia; Asael, fo Yoab fa'din-na Elhanan, fo Dodo hataholi Betlehem ndia, anan-na. Sama ma Elika, fo hataholi Harod Heles, fo hataholi Palti Ira, fo hataholi Tekoa ndia, anan-na Abiezer, fo hataholi Anatot Mebunai, fo hataholi Husa Zalmon, fo hataholi Ahohi Maharai, fo hataholi Netofa Heleb, fo Baana, hataholi Netofa ndia, anan-na Itai, fo Ribai hataholi Gibea ndia, anan-na, nai leo Benyamin daen-na Benaya, fo hataholi Piraton Hidai, fo hataholi esa neme bafa-bafak manai Gaas Abialbon, fo hataholi Araba Azmawet, fo hataholi Bahurim Elyahba, fo hataholi Saalbon Yasyen anan-nala Yonatan Sama, fo hataholi Harari Ahiam, fo Sarar hataholi Harari ndia, anan-na Elifelet, fo Ahasbai hataholi Maakha ndia, anan-na Eliam, fo Ahitofel hataholi Gilo ndia, anan-na Hezrai, fo hataholi Karmel Paerai, fo hataholi Arbi Yigal, fo Natan hataholi Zoba n(...)