Read Termanu 1RAJA-RAJA 22 Bible Online

1RAJA-RAJA 22 - Termanu bible

1RAJA-RAJA 22

¹Nai teuk dua lenak dalen-na, ta hapu natee-natatik nai Israel no Siria fa.

²Tehu neu teuk-ka telu na boema, Yosafat, fo mane Yehuda neu donge-dama Ahab fo mane Israel-la.

³Nakahuluk neme ndia mai te, Ahab nafa'da basa malanga solda'du matuainan-nala nae, “Emi bubuluk mae kota Ramot fo nai Gilead ndia, ita nuun! Taole'e de ita ta loso falik-kana neme mane Siria mai fa?”

⁴Boema lelek Yosafat mai boema, Ahab natane nae, “Ade o nau sama-sama moo au fo teu sapu ta, Ramot do ta?” Yosafat nataa nae, “Hei! Ata teu no'u-no'u. Au solda'du ngala ma solda'du manasa'e ndala ngala neukose lakabubua loo o solda'du mala ma solda'du manasa'en dalam-mala.

⁵Tehu malolenak ata tatane takahuluk MANETUALAIN dei.”

⁶Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose MANETUALAIN fe kota ndia neu Ama Manek.”

⁷Tehu Yosafat natane seluk nae, “Ade nai ia ta hapu nabi fe'ek fo natane MANETUALAIN soaneu ita fa do?”

⁸Ahab nataa nae, “Bei hapu esa seluk na'de Mikha, fo Yimla anan-na. Tehu au ta hii fan, nana ana beita nafa'da nita manada'di manamaik fo malole soaneu au fa; te ka'da manada'dik fo ta malole tataas esa.” Yosafat nataa nae, “Ah, boso kokolak mae leondia!”

⁹Boema Ahab naloo na uma manek-ka hataholi mana'a ngga'din esa de nadenun neu nala Mikha no lai-laik.

¹⁰Nai lelek ndia Ahab ma Yosafat pake papake matua-mademan-nala, de langatuuk lai kandela manen-nala lain, nai mamanak aa'i gandum ma, nai Samaria lelesuinan-na, fo ndia te basa nabi la mai lataa ma lafa'da sila ninitan nai fai manamai kala.

¹¹Nai nabi sila-la dalek, hapu nabi esa na'de Zedekia fo Kenaana anan-na, ana tao bana susulak kala leme besi mai, boema nafa'da Ahab nae, “MANETUALAIN nafa'da ka nde ia nae, ‘No bana susulak leo ia kala neukose Ama Manek hotu fe Siria fo lakalulutuk.’ ”

¹²Basa nabi fe'e kala lakaheik de lafa'da lae, “Sapu ma Ramot leona, te neukose Ama Manek hapu buna-boan. Neukose MANETUALAIN fe Ama Manek sengi.”

¹³Ndia te ladenu hataholi fo neu nala Mikha, nafa'da Mikha nae, “Basa nabi fe'ek fo lalelak manada'dik nai fai manamai ka, lafa'da memak sesengik soaneu manek-ka. Sa'di leo been-na Ama boeo mafa'da manada'dik manamaik malole sama leo sila nafa'da na.”

¹⁴Tehu Mikha nataa nae, “No MANETUALAIN fo maso'dak-ka na'de na, neukose au afa'da ka'da hata fo MANETUALAIN nafa'dan neu au!”

¹⁵Mikha losa Mane Ahab-pa matan boema, manek-ka natane nae, “Au ma Mane Yosafat a bole meu sapu ma Ramot do ta?” Mikha natan-nae, Sapu man leona, “Te tao leo bee o Ama Manek hapu buna-boan. Neukose MANETUALAIN fe Ama Manek sengi.”

¹⁶Ahab nataa nae, “Metema o kokolak moo au pake MANETUALAIN na'de na soona, mafa'da tunga matetun-na. La'i de'ubee, au muse fe o nasanene'dak la'eneu dede'ak ndia?”

¹⁷ Mikha balas nae, “Au ita solda'du Israel-la esa-esak tofak matan nai lete kala. Solda'du sila sama leo bi'ilopo fo manafoon taa, ma MANETUALAIN kokolak la'eneu hataholi sila nae, ‘Hataholi ia la ta lanuu mauli-malangan fa. Neme na fo ala fali no so'da-molek.’ ”

¹⁸Boema Ahab nafa'da Yosafat nae, “Au kokola nga la'en, hetu? Beita la'iesa fo nafa'da nita manada'di manamaik malole soaneu au fa! Ka'da mangalauk tataas esa fa!”

¹⁹ Mikha nafa'da seluk nae, “Besak ia, mamanene hata fo MANETUALAIN nafa'dan! Au ita MANETUALAIN nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

²⁰MANETUALAIN natane nae, ‘Neukose see nde fufu'di Ahab fo ela anan nau neu natee-natati de maten nai Ramot fo nai Gilead?’ Ata nusa so'dak sila-la esa-esak nataan.

²¹Mate'e na boema, dula dalek esa mai. Ana deka no MANETUALAIN de nae, ‘Neukose au nde fufu'din nana.’

²²MANETUALAIN natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ MANETUALAIN nae, ‘Hei, taon leona, neukose o hapu fufu'di man.’ ”

²³Mikha kokolak nakandoo nae, “Nah, ndia nde ana da'di! MANETUALAIN tao na Ama Manek nabi nala lasapepeko-lasandandali neu Ama Manek, nana MANETUALAIN naketu basa, soaneu Ana fe soe a tuni na Ama Manek!”

²⁴Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee MANETUALAIN Dula dalen-na la'oela au de Ana kokolak no o?”

²⁵Mikha nataa nae, “Neukose o mita buti na nai lelek o muu mafuni nai kama esa dalek.”

²⁶Mane Ahab-pa fe paleta nae, “Ho'u man! Fo moon leo Amon, fo walikota, ma Mane Ana Yoas sa neu.

²⁷Madenus fo ala taon leo bui dale neu, ma fen na'a ma ninu ka'da faa anak mesan, losa au falima'i nga no so'da-molek.”

²⁸Mikha nae, “Metema Ama Manek falima'in no so'da-molek soona, sosoan-na nae, MANETUALAIN ta kokolak tunga au fa! Basa hataholi manai ia la da'di sakasii.”

²⁹Basa boema Ahab fo mane Israel-la, ma Yosafat fo mane Yehuda leu sapu la Ramot nai Gilead.

³⁰Ahab nafa'da Yosafat nae, “Neukose au balias au aoina nga fo boso lalelak au, fo daenga au tunga u atee-atati, tehu o pake o papake matua-mademan.” Leondiak mane Israel-la balias aoinan-na fo lalela kana, nai lelek neu natee-natati.

³¹Nai lelek ndia Siria malanga solda'du matuainak-ka teluhulu duan fo manasa'e kaleta musu la, manen-na fe paleta basa fo ala sapu la ka'da mane Israel-la.

³²Da'di, nai lelek lita Mane Yosafat a boema, sila basa-basas laedaenga mane Israel-la nde ndia. Hu ndia de ala sapu lan. Tehu Yosafat nggasi,

³³boema ala bubuluk lae mane Israel-la ta nde ndia fa. Boema ala ta sapu la fan.

³⁴Solda'du Siria esa ta name'da fa te napo'iheni kokou isin-na. Tehu kokou isik ndia la'e Ahab de ana tola ba'du musu na nai ba'du seseu natuti na. Ahab bouk manaho'u kaleta na nae, “La'e au! Po'de falik kaleta fo moo au kalua eme natee-natati ka dalek mai!”

³⁵Tehu hu kande natee-natati ka lelan ta boema, ala tia-saka Mane Ahab-pa de napadeik nahele nai kaletan dalen-nasale solda'du Siria la. Daa na faa neme hinan-nala mai, de ana lifu nai kaleta dale. Le'donoso boema maten.

³⁶Le'do sanga nae tenak boema, ala paleta solda'du Israel-la lala'en-na fo ala fali leo kota ma leo esa-esak nusan-na neu,

³⁷nanahu mate manek-ka so. Boema ala fali leona, de latoi Ahab popolan-na nai Samaria.

³⁸Lelek kaleta na nanatao balisik nai lifu Samaria te, ina manandolo lee la bei ladiu oe lai ndia, de busa la lalamemei daak manai kaleta ndia dalek ka. La'en sama leo hata fo MANETUALAIN nafa'dan.

³⁹Tutui fe'ek la'eneu Mane Ahab, la'eneu uma manek ngga'di dui a ma basa kota fo napadedei kana, nanasula basak nai Mane-mane Israel-la buku Tutuin dale so.

⁴⁰Mate basa Ahab boema, Ahazia fo anan-na nggatin da'di manek.

⁴¹Neu teuk-ka haa na Ahab fo mane Israel-la paleta, Yosafat fo Asa anan-na da'di mane Yehuda.

⁴²Nai lelek ndia, teun teluhulu lima. Ana paleta nai Yerusalem teuk duahulu lima dalen-na. Inan nde Azuba fo Silhi anan-na.

⁴³Sama leo aman Asa, Yosafat tao-no'i hata fo malole nai MANETUALAIN mata memete na. Nai nusan dale, ana tao namopo basa ina touk manandolo lee fo manai mamana sene-do'ok neu sosongo-tatanok fo bei ela kala neme aman Asa tepo-lele na mai. Tehu sosongo-tatango kala mamanan-nala ana ta tao nakalulutu kasa fa. Laun-na bei ka'da fe tutunu-hohotuk ma boomenik nai naa. Yosafat tao na ofan-nala sama leo Tarsis ofan-nala fo ala ho'i lilopilas neme Ofir mai, tehu ofak sila-la ta da'di la'o fa, nanahu nalutus nai Ezion-Geber. Mane Ahazia neme Israel kokoe fo daenga ofa isin-nala la'o sama-sama loo Yosafat ofa isin-nala, tehu Yosafat ta sipok fa, leomae nanuu tututi-nanato malole no mane Israel-la. Basa boema mate Yosafat de latoin nai mane-manek manai kota Dauk ka late nala. Anan Yoram nggatin da'di manek. Tutui fe'ek la'eneu Yosafat, la'eneu palani tati batu na, ma natee-natati nala nanasulak nai Mane-manek Yehuda-la buku Tutuin dale. Nai tepo-lelek ndia, nusa Edom ma manen ta. Fo manapaleta manai (...)

⁴⁴

⁴⁵

⁴⁶

⁴⁷

⁴⁸

⁴⁹

⁵⁰

⁵¹

⁵²Mane Yosafat fo neme Yehuda mai, ana paleta nai teuk-ka sanahulu hitu na, Ahazia fo Ahab-panan-na, da'di Israel manen-na, boema ana paleta Israel teuk dua dalen-na nai Samaria.

⁵³Ana nasal-nasingo neu MANETUALAIN nenik ana tunga aman no inan ei tata'bu na, ma Mane Yerobeam ma ei tata'bu na de tao la hataholi Israel-la tao sala-singok.

⁵⁴Ana sene-do'ok neu Baal la ma ana da'di ata neun. Ma sama leo aman fo ana paleta nakahuluk neme ndia mai, ndia boeo tao nafo'a Amak, MANETUALAIN fo hataholi Israel-la sene-do'ok-ka nasamelun.