Read Termanu 1 TAWARIKH 22 Bible Online

1 TAWARIKH 22 - Termanu bible

1 TAWARIKH 22

¹Boema Dauk nae, “Nai mamanak ia nde nafofo'a MANETUALAIN Uman na. Ma nai mei tunu-hotuk ia nde hataholi Israel-la fe sila tutunu-hohotu nanatunun na neu MANETUALAIN.”

²Manek Dauk ka nadenu fo lakabubua basa hataholi nusa dea fo manaleo nai nusak Israel-la, boema ana fes ue-le'dis. Sila nggelok pa'a batu, soaneu lafofo'a MANETUALAIN Uman na.

³Dauk nakabubuan-na besi makadotok nanseli soaneu tao pakuk ma hensel ba'eneu MANETUALAIN Uman ndia lelesuinan nala. Dauk boeo nakabubuan-na liti makadotok, nalosa ta hapu tai fas.

⁴Ana noke memak ai kaiou Libanon neme hataholi Tirus ma Sidon nala mai.

⁵Dauk tao basa sila-la nanahu ana dodoo nae leo ia, “Au muse sadia memak hata fo paluun soaneu nafofo'a MANETUALAIN Uman na. Nana au anamaneng Salomo bei anak ka de malelan na beita dai fa, te se'kona MANETUALAIN Uman fo neukose nananafofo'ak ndia muse mana'ahiik ma nanakoa-kiok nai basa daebafak ka lala'en-na.” Boema Dauk beita mate fan te, ana sadia na uma ndia ai batun makadotok.

⁶Dauk naloo na anamanen Salomo, de ana paletan soaneu napadedeik uma ba'eneu MANETUALAIN fo hataholi Israel-la sene-do'ok ka.

⁷ Dauk nafa'da Salomo nae, “Anango nei, dook ka so au tutu'u soaneu apadedeik uma esa soaneu fe ha'da-holomata neu au MANETUALAIN.

⁸Tehu MANETUALAIN nafa'da nae nasi'a au atee-atati anseli, ma au taoisa hataholi makadotok so. Hu ndia de, Ana ta fe au loak apadedeik uma soaneu Ndia fa.

⁹Leomae leondiak boe, Ana fe basa au hehelu-balataak ka nde ia nae, ‘Neukose o bongi ma anatouk esa fo neukose ana paleta no tetu-temak, nana neukose Au tulu-falin, nalosa ta hapu musu natee-natati no fan. Neukose foin na'de Salomo nana nai lelek ana paleta, neukose Au fen tetu-temak ma nee nee-lino linok nai Israel-lala'en-na.

¹⁰O anamanem ndia nde neukose napadedeik uma soaneu Au. Neukose ana da'di Au anang ma Au da'di ndia aman. Israel kandela manen na, neukose nahele nai tititi-nonosin losa dodoon-na.’ ”

¹¹Boema Dauk nafa'da seluk nae, “Besak ia, anango nei, ela leo been-na o Amam Manetualaim tulu-fali o tataasesa. Ma ela leo been-na o hapu mapadedeik uma soaneu MANETUALAIN sama leo hata fo Ana helun.

¹²Ma ela leo been-na o Amam Manetualaim fe o manatee-tenok ma dudu'a-aafi maneu soaneu paleta Israel nandaa no hoholo-lalanen.

¹³ Metema o tunga basa hoholo-lalanek fo MANETUALAIN fen neu Musa soaneu leoina Israel-la soona, neukose o hapu buna-boak. O muse mamahele te'e-te'e ma mapalani. Boso bii masasalematak moo su'di beek ka boen.

¹⁴La'eneu MANETUALAIN Uman ndia soona, au sanga enok te'e-te'e soaneu hapu lilopilas ton lifun telu natun haa, ma lilofulak ton lifun telu natun haa ma lenak. Fe'ek neme ndia mai, hapu liti ma besi fo ta hapu leke na dede'u nala fa. Ai ma batu boeo, au sadia basan so, tehu o muse popo-tama seluk kasa.

¹⁵O maue-male'dim makadotok. Nggelok hapu laue-lale'di nai kakali batuk ka, hapu tuka ai, tuka batu ma manatutu malelak lilopilas, lilofulak, liti ma besi

¹⁶makadotok nanseli. Nah, mulain no lai-laik leona! Ela leo been-na MANETUALAIN tulu-fali o.”

¹⁷Boema Dauk nadenu basa mauli-malangan Israel-la tulu-fali Salomo.

¹⁸Nae, “O Amam Manetualaim tulu-fali basa emi so, ma Ana fe mole-dame ma tetu-temak nai basa nusak-ka lala'en-na. Ana soi basa enok fe au sengi basa leoina fo makahulun-na ala leo leme nusak ia. Besak ia, ala lakatele neu o ma neu MANETUALAIN.

¹⁹Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu MANETUALAIN leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”