Read Termanu 2TAWARIKH 4 Bible Online

2TAWARIKH 4 - Termanu bible

2TAWARIKH 4

¹ Manek Salomo nadenu fo tao mei tunu-hotuk liti esa nalun-na metel sio ma loan-na metel sio boe, ma deman-na metel haa senti lima.

²Ndia boeo tao mamana natanoe liti esa bobongok, dedeman-na metel dua senti dua, loloan-na metel haa senti haa, ma bobongon-na metel sanahulu telu senti dua.

³Ana balias okofefeo su'udoon manai dean-na nenik sapi dulan-na dalak dua de nakadiditak nakabubuan no mamana natanoe liti ndia.

⁴Ana pe'da mamana natanoe liti ndia neu sapi liti sanahulu dua muliha'in lain — telu lasale leo kii leu, telu lasale leo kona leu, telu lasale leo muli leu, ma telu lasale leo dulu leu.

⁵Mamana natanoe liti ndia kakaten-na milimetel hituhulu lima. Su'udoon-na nalupa leo mangotee-a su'udoon-na fo ana kaiho'e leo deak neu hihiinae leo taledo bunak-ka nakapela. Mamana natanoe liti ndia nala oe litel lifun neehulu.

⁶ Manek Salomo boeo taon-na bokol matuaina sanahulu, fo ana tao lima neu MANETUALAIN Uman-na boboan konan-na, ma lima neu boboan kiin-na. Bokol sila-la sosoan-na soaneu safe paa bibiak fo sanga tunun da'dileo utunu-hohotuk. Oe manai mamana natanoe liti matuaina ndia nanasadiak ba'eneu imam-imam-mala soaneu ala safe ei-liman.

⁷ Boeo ana taon-na banu eik sanahulu neme lilopilas-sa mai. Banu eik sila-la lupan-nala ana taon tunga dale tutu'u mesan-na, ma ana taon-na mei sanahulu. Ana pe'da basa banu eik ma mei sila-la lai MANETUALAIN Uman-na kama makasososan-na dalek — lima lai boboa kiin-na ma lima lai boboa konan-na. Boeo ana taon-na mango lilopilas natun esa.

⁹Manek Salomo boeo ana tao pa'a esa nai uma so'dan manai dalek-ka soaneu basa imam-mala, ma pa'a esa nai uma so'dan manai deak-ka. Lelesuina manai uma so'dak-kaduak sila-la doon-nala nakadiditak-kasa nenik liti.

¹⁰Ana pe'da mamana natanoe liti-a deka MANETUALAIN Uman-na bu'un manai boboan dulu konak.

¹¹Huram, fo basa tuka-la malangan ndia, tao ulek, sakop, ma mango. Leondiak ana tao nabasa la'iesak MANETUALAIN Uman-na bua-lo'an lala'en-na nandaa no hala hehelun neu Manek Salomo-a. Ana tao nabasa bua-lo'as sila-la nde ia: Dii matuaina dua Dii langak dua malupak-kala mango fo nanape'dak nai dii kaduak sila-la lain Namosina nanaanek nai dii langak-kala esa-esak Dalima natun haa nananakatoto'dok nai dalak dua dalek fo okofefeo-la namosina nanaanek manai dii langak-kala esa-esak. Kaleta sanahulu Bokol matuaina sanahulu Mamana natanoe liti Sapi liti sanahulu dua fo ala tia-to'ba mamana natanoe liti ndia uledae-la, sakop-ala ma folok-kala Basa bua-lo'as fo Huram taon soaneu MANETUALAIN Uman sila-la, ana taos leme liti mai ma ana loses losa mangadilak. Huram tao basa sila-la nandaa no Manek Salomo-a paletan na.

¹⁷Manek-ka nadenu tao bua-lo'as sila-la nai mamanak natanoe liti nai Sukot ma Zereda tala'da fo nai Bafak Yarden-na.

¹⁸Bua-lo'as sila-la makadotok nanseli, nalosa ta hapu hataholi esa boen hapu bubuluk ana pake liti kilo de'ubee fa.

¹⁹Manek Salomo boeo nadenu tao bua-lo'a fe'ek neme lilopilas isik ka mai soaneu MANETUALAIN Uman-na. Ana tao bua-lo'as sila-la nde ia: Mei tutunu-hohotuk Mei soaneu loti tunu-hotuk Basa banu eik-kala loo banun-nala neme lilopilas isik-ka mai soaneu nanade'dek nai Kama Malalao-Malalafuk Nanseli-a matan-na, nandaa no nanatutu'u basak-ka so Balias-balias fo nalupa bunga Banuk-kala Banu eik-kala Buas soaneu tao balisi banuk-ka tetelun-na Mango-la Pingak-kala soaneu boomenik Pingak-kala soaneu ha'ikaak Basa lelesu fo masok leo MANETUALAIN Uman neu ma Kama Malalao-Malalafuk Nanseli-a lelesun-na nananakadiditak nenik lilopilas.