Read Termanu ESTER 1 Bible Online

ESTER 1 - Termanu bible

ESTER 1

¹ Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.

³Ana paleta neu teu ka telun-na boema, Mane Ahasyweros-sa tao feta matuaina soaneu basa hataholi matua-mademan-nala, ma hataholi mana'a ngga'din-nala. Basa malanga musu Persia ma Media-la, lai feta ndia boe, leondiak boe, basa gobelnol-la, ma basa manapaleta matua-madema propensi-la, lai ndia boe.

⁴Bulak 6 dalen-na, manek-ka natu'du su'i-beten manai uma manen-na, ma nusan-na lole-napun boema matua-mademan.

⁵Basa ndia boema, manek-ka tao seluk feta, soaneu basa laun Sudan-nala lala'en-na, nau kamasu'ik do nuu-taa hata-taak boe. Ana tao feta ndia, mamasok esa dalen-na, ma ana taon nai uma manek-ka osin dale.

⁶Uma manek-ka so'dan-na, nanabalias nenik tema lelesu abalutu momo'dok ma fulak, ma nanapa'ak nenik tali abalutu, ma nanasoloka'dok neu sue lilofulak fo nanapasak manai dii batuk-kala. Ala tao pepe'u lilopilas ma lilofulak-kala nai dae, fo nai lante nanabalias nenik batu pualam fulak, hablur pilas, poemata lou mangadilak, ma batu pirus momo'dok.

⁷Manek-ka sadia angol makadotok, de ala di'an neu nggala lilopilas mata-matak-kala.

⁸Basa fui-la, linu su'di bebe'ik-ka, do lakasetis fo linu. Manek-ka fe basa paleta neu malalau-maoono uma manek-kala, fo ela lalau-laoono fui-la esa-esak, nandaa no dale hihiin-na.

⁹Ndia te, ina manek Wasti-a boeo, ana tao feta soaneu basa inak manai uma manek-ka.

¹⁰Neu fai ka hitun-na boema, manek-ka ninu, losa namahoko nanseli. Hu ndia de, naloo-na, malalau-maoono heheli ka 7-nala; malalau-maoono sila nde: Mehuman, Bizta, Harbona, Bigta, Abagta, Zetar, ma Karkas.

¹¹Nadenus, fo leu loo ina mane Wasti-a, fo ana mai nataan, no ana pake bulamoli nusak-ka nai langan lain. Ina manek ndia, mana'ahiik nanseli, de manek-ka sanga natu'du lole-napun neu basa hataholi matua-mademan, ma basa laun-nala.

¹²Tehu, lelek malalau-maoono sila-la, landuku-lalosak manek-ka paletan-na neu ina mane Wasti-a boema, ina manek-ka ta nau mai fa, nalosa manek-ka namanasa nanseli.

¹³Manek-ka biasa noke hataholi malelaina-la hahapun-na, la'eneu dede'a hoholo-lalanek, ma ha'dak-ka. Hu ndia de, naloo-na, hataholi fo nanoli-nafa'da nalelak, hata fo muse ana taon, la'eneu dede'a matak leondiak-ka.

¹⁴Manek-ka nasi'a naloo basa hataholi fo nanoli-nafa'da nalelak-kala, nde: Karsena, Setar, Admata, Tarsis, Meres, Marsena, ma Memukan. Hataholi sila-la nde been-na, nde manapaleta Persia ma Media, fo hataholi sila-la, lanuu nangatutuu madema nai nusak-ka.

¹⁵Boema, manek-ka nafa'da hataholi ka hituk sila-la nae, “Au adenu au malalau-maoonong leu laloo Ina manek Wasti-a, fo ana mai nataa au. Tehu, ana ta nau mai fa. Tunga hoholo-lalanek-ka soona, ita muse ho'i nakeketu leo beek soaneun?”

¹⁶Boema, Memukan nafa'da manek-ka, ma basa hataholi matua-madema-la nae, “No tatao-nono'ik ndia, de ina manek Wasti-a, ta nakadadaek ka'da Ama Manek mesak-kana fa, te basa Ama Manek hataholi mana'a ngga'din-nala, lena-lenak basa touk manai nusak ia!

¹⁷Nana, basa inak-kala, neukose ala bubuluk ina manek-ka tatao-nono'in ndia, de neukose inak-kala esa-esak, ta nafaduli saotoun-na so'on. Neukose lafa'da lae Ama Manek paleta Ina manek Wasti-a, fo ana mai nataa, tehu ba'i ina manek, ta nau mai fa.

¹⁸Da'di, neu faik bee, fo hataholi matua-madema manai Persia ma Media-la saoinan-nala, lamanene dede'ak ndia soona, tao leo bee-o, neukose no lai-laik, esa-esak nafa'da dede'ak ndia neu saotoun-na. Fo neu mate'en-na te, neukose saoinak-ka la'ban saotouk-ka paletan-na, ma neukose saotouk-ka namanasa saoinan-na.

¹⁹Hu ndia de, ami dokodoe neu Ama Manek, fo ela Ama Manek ho'i nakeketuk mae Ina Manek-ka, ta bole mai nataa Ama Manek so'on. Nakeketuk ndia, muse taon da'di Persia ma Media susulan-nakeketun, fo ela ta bisa hela falik-kana so'on. Basa ndia soona, fe Ina manek Wasti-a nangatutuun-na neu ina fe'ek, fo malole lena neme ndia mai.

²⁰Neu faik bee, fo Ama Manek nakeketun ndia, ana sipela leo basa nusak maloaina lala'en-na neu soona, neukose saoinak-kala esa-esak, fe ha'da holomata neu saotoun-na, nau kamasu'ik do nuu-taa hata-taak boe.”

²¹Manek-ka no basa hataholi matua-mademan-nala, sipok Memukan hahapun ndia, boema no lai-laik, manek-ka nakalala'ok-kana.

²²Ana haitua susula paleta leo basa propensi manai nusak-ka, ma nai propensi-la esa-esak dede'an ma susula liin-na dalek. Paleta ndia nalii nae, nai uma loo-la esa-esak dalek, saotouk-ka nde muse da'di malanga uma loo, ma ndia nde muse fe basa nakeketuk lala'en-na.