Read Termanu KELUARAN 2 Bible Online

KELUARAN 2 - Termanu bible

KELUARAN 2

¹Nai tepo-lelek ndia, touk esa neme leo Lewi-a mai, ana sao inak esa, bei neme leo ndia mai boe.

² Boema, inak ndia bongi-na ni'iana touanak esa. Lelek nita ni'iana ndia mana'a hiik nanseli boema, nafunin bulak telu dalen-na.

³Tehu, ana ta nau nafuni ni'iana ndia nala dook-ka fa. Boema inan ho'i-na sapaianak esa, nanaanek neme hanoe-a doon-na mai, de nakadiditak-kana nenik ter, fo ela oe boso nala dalek. Ana tao ni'iana ndia leo sapaianak ndia dalek neu, boema nenin leo Lee Nil-la neu, de ana pe'dan neu hanoe bubuak esa tala'da, nai lee ndia su'un-na.

⁴Ni'iana ndia, ka'a inaanan-na, napadeik dodooana faa neme mamanak ndia mai, fo ana mete, hata da'di neu fa'din-na.

⁵Boema manek-ka anafe'on-na, ana mai. Ana kona leo lee dale neu, fo nadiu oe, ma atan-nala bee la'o lai lee su'un-na. No kaiboik, manek-ka anafe'on-na nita sapaianak ndia, nai hanoe bubuak-ka tala'da, boema nadenu ata inan esa neu ho'i-nan.

⁶Lelek manek-ka anafe'on-na buka sapaianak ndia boema, nita ni'iana esa nai dalek, te ni'iana ndia bei kii. Manek-ka anafe'on-na, dalen-na tu'da kasian neun, de nafa'da nae, “Tao leo bee-o, ni'iana ia, hataholi Ibrani.”

⁷Boema ni'iana ndia ka'an-na, natane manek-ka anafe'on-na nae, “Ade ina maneana, nau au sanga ina Ibrani esa, fo nasu'u ni'iana ndia do?”

⁸Manek-ka anafe'on-na nataa nae, “Hei” Boema ni'iana inaanak ndia, neu naloo inan.

⁹Manek-ka anafe'on-na nafa'da inak ndia nae, “Ko'o moo ni'iana ia, fo masu'u fen leo au mai; neukose au fe ina ngga'di.” Boema ana ko'o no ni'iana ndia, de nasu'un.

¹⁰ Lelek ni'iana ndia matutuaanak so boema, inan fen leo manek-ka anafe'on-na neu. Boema manek-ka anafe'on-na tao ni'iana ndia, da'di ndia ana nakaboboin. Manek-ka anafe'on-na nae, “Au foin na'de Musa, manek-ka anafe'on-na nafa'da nae, nana au ho'i-an neme lee dale mai.”

¹¹ Lelek Musa da'di touinak so boema, neu leo hataholi fo ndia leoinan-na. Ana mete nita, lakasetis tao leo beek, fo ala tao bela-ba'uk mabelaina-la. Boeo nita hataholi Masir esa, taonisa hataholi Israel esa.

¹²Musa mete leo boboa-kaisun neu, de lelek nita nae hataholi ta mete fan boema, ana taonisa hataholi Masir ndia, de nafuni popolan-na leo solokaek dale neu.

¹³Balahaa boema, Musa neu seluk, boema nita hataholi Ibrani dua lahote. Musa natane hataholi masalak ndia nae, “Tao le'e de, o fepa o nonoom-ma?”

¹⁴Hataholi ndia nataa nae, “See kande ndo ei o da'di ami mauli-malangam, ma ami manakee-manafulam? Ade o sanga taomisa au boe, sama leo huas-sa, o taomisa hataholi Masir ndia do?” Boema Musa bii, de ana dodoo nae, “Soe! Au tatao-nono'ing ndia nanabubuluk so.”

¹⁵ Lelek manek-ka namanene la'eneu manada'dik ndia boema, ana sanga enok fo taonisa Musa. Tehu Musa nalai, de neu leo nai nusa Midian-na. Imam esa neme Midian mai, na'de Yitro, anafe'on hitu. Nai faik esa, fo lelek Musa nangatuuk deka no oedolu esa boema, Yitro anafe'o ka hitun-nala, ala mai hela oe, fo di'a leo sila aman bi'ihii bi'ilopon mamana nininun-nala dalek neu.

¹⁷Tehu, manafoo de'ubee usi heni anafe'oanak sila-la. Boema Musa neu tulu-falis, de ana fe bana-manu-nala linu oe.

¹⁸Lelek ala fali le'us boema, anafe'oanak sila-la aman natane nae, “Tao le'e de, faik ia emi fali ma'im-ma no lai-laik nanseli?”

¹⁹Boema lataa lae, “Hataholi Masir esa nasala'e ami, neme manafoo fe'ek-kala tatao-nono'in mai. Nakalenak, ana hela fe ami oe, ma ana fe ita bana-manun linu oe.”

²⁰Yitro natane anan-nala nae, “Besak ia, hataholi ndia nai bee? Tao le'e de, emi la'oela hataholi ndia? Meu maloon leona, fo daenga na'a sama-sama no ita.”

²¹Musa nakaheik leo nai ndia. Basa boema, Yitro fe anafe'on mana'de Zipora leo Musa neu, fo duas sao.

²²Zipora bongi-na anatouk esa. Musa foi ni'iana ndia na'de Gersom, nanahu Musa dodoo nae, “Au hataholi manamai esa nai ia.”

²³Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

²⁴ Manetualain namanenes, ma nafandele hehelu-balataan no Abraham, Isak ma Yakob.

²⁵Nita ala tao hataholi Israel-la da'di ata, boema Ana ho'i nakeketuk, fo Ana tulu-falis.