Read Termanu AYUB 26 Bible Online

AYUB 26 - Termanu bible

AYUB 26

¹Tehu Ayub nataa nae, “O malelam-ma seli, fe tutulu-fafalik neu au, fo hataholi manamale-tale, ma manasota-manguk ia!

³O nanoli-nafa'dam, ma o nanolim ndia, malole nanseli de o fe basan neu au fo hataholi nggoa-panganaa ia!

⁴O hala-kokolam ndia, o fen neu see ka? See dodolen ndia, de o kokolak leondiak?”

⁵Boema Bildad nataa nae, “Hataholi manai bolo mamates dale-la, dele betoo; oe ma hataholi manai dalek-ka, dele.

⁶Nai Manetualain matan soona, hataholi manamatek-ka daebafan-na, natahuka, nanakena tak, nalosa nitan.

⁷Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

⁸Ana fua oe manasasi kao-kaok-ka, neu ko'as lain, tehu ta siba'e ko'as ndia, hu kande oe belan-na fa.

⁹Nafuni bula makatemak-ka mata-panan nai nakapepela ko'as-sa dean-na.

¹⁰Ana dulak dula bobongok neu tasi maloaina poin-na, fo Ana ta'da fe'e mangale'dok-ka neme makahatuk-ka mai.

¹¹Metema nasapala no halan-na dele soona, dii manatia-toba lalai-a, ala dele.

¹²Ana tao nakamate tasi ina nenik koasan-na, ma fepa li'u Rahab nenik Ndia malelan-na.

¹³Ani hahaen-na sasapu lalai, nalosa namaneu nanseli; Ana taonisa buta tasi manamalaik-ka,

¹⁴Tehu basa sila-la, ka'da ta'du-tana neme koasan-na mai; ka'da namakukutuk esa, fo ana losa ita di'idoon-na. Ita malelan-na, ka'da faaanak mesan, la'eneu Manetualain ma koasa matuainan-na!”