Read Termanu AYUB 40 Bible Online

AYUB 40 - Termanu bible

AYUB 40

¹Hai Ayub, o mahee au, Manetualain Fo Manakoasa; ade, o nau maloe, do o nau mase'i do?”

³Boema, Ayub nataa MANETUALAIN nae, “Au kokolak sama leo hataholi nggoak-ka, ou MANETUALAIN. Natataak beek-ka nde, au bisa fe? Ta apu hata-hata so'on, fo au sanga afa'dan fa.

⁵Au kokolak dede'ak makadotok nanseli so.”

⁶Boema, MANETUALAIN kokolak seluk no Ayub, neme sangu dale mai.

⁷Boema MANETUALAIN nafa'da Ayub nae, “O touk soona, masasalematak moo Au leona, fo mataa la'iesak, Au natataneng ia-la.

⁸Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

⁹Ade, o balakaim-ma, sama leo Au do? Ade, o halam-ma, bisa nadodolo sama leo Au do?

¹⁰Topa-nggaulusu o aoinam-ma, nenik mandela-masa'ak ma matua-madema, pake ha'da-holomata, ma mandela-masa'ak leona.

¹¹Mete sila fo, dalen-nala manakoao-ndaeaok; Fe o nasam-ma lua ponu-ponu, fo makadadaek-kasa.

¹²Hei, mete hataholi manakoao-ndaeaok-ka, fo ne'e maloe langan-na! Tutu makasosopuk, hataholi mangalauk-ka, neme mamanan-na.

¹³Matoi-matono basa-basas nai afu dale; longas nai hataholi manamatek-ka, daebafan dale.

¹⁴Soona neukose, Au koa-kio o, hu kande, o sengi menik, o be'i-balakai mesam-ma.

¹⁵Taoafik neu Behemot, fo bana ao matua; sama leo o, de Au akadada'dik ndia boe. Nana'an-na nde na'u-a, sama leo sapi-a.

¹⁶Tehu taoafik matalolole, balakaik manai aon dale-a, ma be'i-balakaik manai uan-nala!

¹⁷Ana fe ikon-na napadeik, sama leo ai aras-sa, uan manai puun-na, tean-na seli.

¹⁸Duin-nala tean-na, sama leo liti-a, ein-na matea, sama leo besi bai-a.

¹⁹Nai Au mahahaeng lala'en-na dalek, ndia nde nanabii-namata'uk nanseli; ka'da Manamakadada'dik-kana, nde bisa tao kamaun!

²⁰Nai pupukuk-kala lain, fo nai mamanak bana fuik-kala lakaminak no namahoko-seteleek-ka, na'u moli, fo da'di nana'an-na.

²¹Nakandondoo nai, makatema dila-nggauk-ka sa'on-na dalek, ana ke'ke nai, hanoe manai puuk dale-la, tala'da.

²²Makatema dila-nggauk-ka, nasulu nan, nenik salaon-na. Ai gandarusa manai lee-la su'un-na, fen mamana hahaeaok.

²³Aon-na ta dele fa, leomae Lee Yarden-na, oen-na faa-faan-na nasak-ka, dalen-na tesa-tama nahele, leomae oe-a pisok la'e mata-panan.

²⁴See kande, napalani tao napoke matan-na, fo ana ho'u nan, nenik nakahihi'ik-na nggonggolon-na?