Read Termanu MAZMUR 10 Bible Online

MAZMUR 10 - Termanu bible

MAZMUR 10

¹Ou MANETUALAIN tao le'e de, O nai dook-ka, ma mafuni, lelek ami nai to'a-taak-ka dalek?

²No koao-ndaeaok, hataholi mangalauk-ka, tuni-ndeni hataholi nuu ta-hata tak-ka; nemen-na fo, sila hihi'in-nala, nala seluk-kasa.

³Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa MANETUALAIN.

⁴Hataholi masala-masingok-ka, ta taoafik neu MANETUALAIN fa, nanahu koao-ndaeaon, de ana dudu'a-dodoo nae, Manetualain ta.

⁵Hataholi mangalauk-ka, ana hapu buna-boak, nai basa ue-le'din-na dalek; ana ta nalelak, do nalak MANETUALAIN hoholo-lalanen fa ma nakadadaek basa musu noon-nala lala'en-na.

⁶Ana kokolak nai dalen dale nae, “Neukose, au ta fali hiik fa, ma neme bobongik leo bobongik neu-a, sama leo hataholi fo so'dan-na ta mangalauk-ka fa.”

⁷ Ana soo-supa nakandoo, ana fe dodoki-aali, ma ana tipu-dai, dede'a-kokolan henuk no nakamuu-nakadauk-ka, ma hala kokola mangalauk.

⁸Ana keke nai nggolo-nggolok-kala fo ana sanga taonisa, hataholi sala tak-kala. Ana nahani nai makatemak dale, sama leo singa ana maku hataholi tapandoes-sa. Ana natababan-na, hataholi nuu ta-hata tak-ka, nai mamana nees-sala, fo ana ko'bon-na, boema ana lele'a-loloson.

¹⁰Ana nakabuku fo, naheheleaon sanga kaa; ana tao nabuu hataholi, nenik laka-nakasetik.

¹¹Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

¹²Fo'a leon MANETUALAIN fo huku hataholi mangauk-ka! Mafandele hataholi nanatuni-ndenik-ka!

¹³Tao le'e de, hataholi mangalauk-ka, nakadadaek Manetualain nakandoo ma ana dodoo nae, neukose Manetualain ta huku fan do?

¹⁴Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

¹⁵Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

¹⁶MANETUALAIN paleta losa dodoon-na; leoina fo, ta lalelak-kana fa, neukose mopok-kasa leme, Manetualain daen-na mai.

¹⁷MANETUALAIN, O mamanene hataholi nananakadadaek-ka, huhule-haladoin, ma O matetea-mahehele dalen-nala.

¹⁸O masala'e anamaak-kala, ma hataholi nanatuni-ndenik-kala, dede'an-na, fo ela hataholi boso nakabibiik-kasa bai.