Read Termanu MAZMUR 11 Bible Online

MAZMUR 11 - Termanu bible

MAZMUR 11

¹Soaneu mauli-malanga nakameek. Dauk kokoa-kikiok. Au asulu-ahapa neu MANETUALAIN; sosoa-ndandaan ta, fo emi mafa'da au mae, “Soi-tefa-ma, o aoinam-ma, sama leo manupui-a laa leo letek lain neu.

²Nana hataholi mangalauk-ka, ana hela kokoun-na, fo ana tao kokouisin-na neu fo ana koun leo mamana makahatuk-ka neu fo leo hataholi dale ndoos-sa neu.

³Metema ha'da nggolok-ka ta nanaito-atok tunga matetun-na fa, soona hataholi ndoos-sa, ta botik langan-na fa.”

⁴MANETUALAIN nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

⁵MANETUALAIN fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

⁶Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

⁷Nana MANETUALAIN malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak MANETUALAIN.