Read Termanu MAZMUR 110 Bible Online

MAZMUR 110 - Termanu bible

MAZMUR 110

¹ Dauk Kokoa-kikiok. MANETUALAIN nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

²Neme Sion mai, neukose MANETUALAIN tao namaloa o nusam-ma; koasa o musum-mala leona!

³Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

⁴ MANETUALAIN soo basa so, de neukose, “Ana ta hela falik hehelu-balataan fo nae, O nde imam losa dodoon-na, sama leo Melkisedek.”

⁵MANETUALAIN nai o boboa konam-ma, metema namanasa soona, Ana sengi mane-manek-kala.

⁶Neukose, Ana huku leoina-la, nalosa popolan-nala tonggela. Neukose, Ana tao namopo-namate basa manakoasa, manai daebafak-ka poin-na lala'ena.

⁷Neukose, manek-ka ninu oe neme lee manai enok-ka su'un-na mai, fo lelek be'i-balakain fali soona, neukose ana sengi.