Read Termanu MAZMUR 12 Bible Online

MAZMUR 12 - Termanu bible

MAZMUR 12

¹Soaneu mauli-malanga nakameek-ka. Tunga nakamee ka falu Dauk kokoa-kikion-na.

²Ou MANETUALAIN, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

³Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

⁴Tao mete'e hala-kokola manafufu'di-oo'dok sila, MANETUALAIN, ko'oketu hataholi bafa maloa-la bafan-nala,

⁵fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

⁶MANETUALAIN nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

⁷MANETUALAIN hehelu-balataan, matea-mahelek, ma hapu nananamahelek, sama leo lilofula isik-ka, nanafolak nai ha'i dale.

⁸Hataholi mangalauk-ka tapangenggela nai basa mamanak lala'en-na, hataholi-a esa-esak, so'u laik mangalauk-ka. Tehu O masulu-mahapa ami, ou MANETUALAIN, manea ami neme hataholi mangalauk sila-la mai.