Read Termanu MAZMUR 127 Bible Online

MAZMUR 127 - Termanu bible

MAZMUR 127

¹Salomo nakameen-na. Metema, MANETUALAIN ta nde, nafofo'a uma fa soona, basa tuka-la tatao-nono'in manada'di tak. Metema, MANETUALAIN ta nde, nasulu-nahapa kota fa soona, basa manamanea-la nanean-na, manada'di tak.

²Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, MANETUALAIN sadia basan ba'eneu sila fo Ana sue-lain so.

³Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

⁴Sama leo kokou isik-kala nai palani tatibatu liman dale, leondiak boe, ni'iana-la nai tepo-lelek muli-solun-nala.

⁵Maua-manalek ba'eneu hataholi fo, ana sadia kokou isik leondiak-ka! Neukose ana ta kala, nai lelek nasasalematak no musu-a nai uma manakee-manafula.