Read Termanu MAZMUR 129 Bible Online

MAZMUR 129 - Termanu bible

MAZMUR 129

¹Nakamee dodonge-dadamak. Israel, mafa'da leon, tao leo bee de, musu-a fepa-li'u o, neme lelek o muli-solum-ma mai.

²“Musu-a fepa-li'u au, neme lelek au muli-solung-nga mai, tehu, ala ta hapu sengi au fa;

³ala tao lakahina au, nai au muliha'ing-nga, sama leo hataholi manafoi-falak-ka, ana kali oelolok manalu nai tina.

⁴Tehu MANETUALAIN ndoos ma matetuk, de Ana soi-po'i au neme ata dalek mai.”

⁵Nemen-na fo, ba'eneu hataholi fo, ta nahiik Sion fa, ana kala, fo nakadedeak.

⁶Nemen-na fo, sila sama leo na'u-a nai uma punin lain, fo ana beita moli fa te, maten so;

⁷ta hapu manake'di do manapuputu, fo puputun da'di na'u nanapuputuk fa.

⁸Hataholi manala'ok tunga ndia, neukose lafa'da lae, “Ela leo bee-na, MANETUALAIN fe o baba'e-papalak, ma ami fe o baba'e-papalak, nai MANETUALAIN na'den-na dalek.”