Read Termanu MAZMUR 132 Bible Online

MAZMUR 132 - Termanu bible

MAZMUR 132

¹Nakamee dodonge-dadamak. Ou MANETUALAIN, mafandele Dauk no basa doi-doson lala'ena.

²Boso mafandele heni sene-do'on neu O MANETUALAIN, ma neu ana tutu'u basa, fe hata esa neu O, Fo Mabe'i-balakaik nanseli, fo Yakob Manetualain-na.

³Nafa'da nae, “Neukose, au ta hahaeaong nai au umang, do sungu nai au pepe'ung lain fa,

⁵metema, au beita sadia fe Yakob Manetualain-na, uma, fo mamana leleok ba'eneu MANETUALAIN Fo Mabe'i-balakaik nan seli-a.”

⁶ Ita temanene la'eneu Peti Hehelu-balataan nai Betlehem, boema, hapun nai mook Yaar-ra.

⁷Mai fo, ata teu leo MANETUALAIN mamana leleon-na teu, fo ata sene-do'ok-kana, nai kandela manen-na matan.

⁸Fo'a leona, ou MANETUALAIN, fo muu leo O mamana hahaeaom-ma muu, O ma O Peti Hehelu-balataam, fo O be'i-balakaim-ma.

⁹Ela leo bee-na, O anam-mala eeki-latadale, ma lamahoko-setelee, ma basa O imam-mala, laso'da tunga O hihii-nanaum tataas esa.

¹⁰Hu kande Dauk, fo O atam-ma, boso tipa manek fo, O helek-ka.

¹¹ MANETUALAIN soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

¹²Metema, O anam-mala lilineka neu Au hehelu-balataang, ma tunga Au paletang-ngala, soona sila tititi-nonosin nggati o, da'di leo manek, losa dodoon-na.”

¹³Nana MANETUALAIN hele basa Sion so; Ana nahiik-kana, soaneu da'di mamana leleon-na.

¹⁴Nafa'da nae, “Au mamana leleong-nga nai ia, losa dodoon-na Au hii paleta nai mamanak ia.

¹⁵Au tao atetu, basa paluun lala'ena no ana sasi kao-kao, Au fe hataholi nuu ta-hata tan-nala, la'a losa lakabete.

¹⁶Imam-imam-nala, latu'du so'da-molek-ka, neme Au mai; neukose, anan-nala lakamee, ma ala eki ma lamahoko-setelee.

¹⁷ Au fe Dauk tititi-nonosin esa nai ia, da'di manek; neukose Au tao atea-ahele paletan-na.

¹⁸Neukose nusan-na, so'da-molek tataas esa, tehu musun-nala, neukose nananakamamaek.”