Read Termanu MAZMUR 136 Bible Online

MAZMUR 136 - Termanu bible

MAZMUR 136

¹ Moke makasi neu MANETUALAIN, nana Ndia malole; susue-lalain manaketu-basa tak, losa dodoon-na.

²Moke makasi neu Manetualain Fo Mademaina; susue-lalain manaketu-basa tak, losa dodoon-na.

³Moke makasi neu MANETUALAIN Fo Matuaina nanseli; susue-lalain manaketu-basa tak, losa dodoon-na.

⁴Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

⁵ Ana nakadada'dik lalai nenik manatee-tenon-na; susue-lalain manaketu-basa tak, losa dodoon-na.

⁶Ana bala daebafak-ka neu oe lain; susue-lalain manaketu-basa tak, losa dodoon-na.

⁷ Ana tao hata mangale'dok manai lalai-la; susue-lalain manaketu-basa tak, losa dodoon-na.

⁸Le'do koasa fai lele'don-na; susue-lalain manaketu-basa tak, losa dodoon-na;

⁹bula-nduuk koasa fai le'odaen-na; susue-lalain manaketu-basa tak, losa dodoon-na.

¹⁰ Ana taonisa Masir ana ulun-nala; susue-lalain manaketu-basa tak, losa dodoon-na.

¹¹ Ana noo Israel kalua leme Masir mai; susue-lalain manaketu-basa tak, losa dodo-na;

¹²no lima mabe'i-balakain ma makadelen-na; susue-lalain manaketu-basa tak, losa dodoon-na.

¹³ Ana fa'a ba'e tasi Gelagah; susue-lalain manaketu-basa tak, losa dodoon-na;

¹⁴No Israel fo anan-na, leo selik leu; susue-lalain manaketu-asa tak, losa dodoon-na.

¹⁵Tehu Ana tao-na mane Masir-ra, no solda'dun-nala bolo; susue-lalain manaketu-basa tak, losa dodoon-na.

¹⁶Ana nauli-nalanga anan-nala, tunga moo solokaek-ka; susue-lalain manaketu-basa tak, losa dodoon-na.

¹⁷Ana sengi mane-manek mabe'i-balakaik-kala; susue-lalain manaketu-basa tak losa dodoon-na;

¹⁸Ana taonisa mane-manek nanakoa-kiok-kala; susue-lalain manaketu-basa tak, losa dodoon-na.

¹⁹ Sihon, fo mane Amori; susue-lalain manaketu-basa tak, losa dodoon-na;

²⁰ ma Og, fo mane Basan; susue-lalain manaketu-basa tak, losa dodoon-na.

²¹Ana fe sila nusan-nala leo anan-nala neu; susue-lalain manaktu-basa tak, losa dodoon-na;

²²fo da'di atan Israel pusakan; susue-lalain manaketu-basa tak, losa dodoon-na.

²³Ana ta nafandele heni ita, nai lelek ita kala; susue-lalain manaketu-basa tak, losa dodoon-na.

²⁴Ana soi-po'i ita teme musu liman mai; susue-lalain manaketu-basa tak, losa dodoon-na.

²⁵Ana fe mahahae maso'dak-kala esa-esak, la'a; susue-lalain manaketu-basa tak, losa dodoon-na.

²⁶Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.