Read Termanu MAZMUR 138 Bible Online

MAZMUR 138 - Termanu bible

MAZMUR 138

¹Neme Dauk mai. Ou MANETUALAIN, au nau oke makasi neu O, nenik au dale katematuang-nga. Au akamee nakamee kokoa-kikiok ba'eneu O, nai lamatua daebafak lala'ena, matan.

²Au senek asale leo, O Uma malalao-malalafum-ma neu, boema au koa-kio O na'dem-ma, nana O lilineka, ma sue-lai tataas esa. O paluu O hehelum-ma, lena neme hataholi hahapun-na, la'eneu O aoinam-ma.

³Lelek, au aloo bou-bou neu O, O mataa O matetea-mahehele au daleng-nga, nalosa au apalani.

⁴Ou MANETUALAIN, basa manek manai daebafak-ka, neukose ala koa-kio O, nana, lamanene basa O hehelum-ma so.

⁵Neukose, ala lakamee la'eneu O tatao-nono'im, ma la'eneu O mandela-masa'a matuainam-ma.

⁶O mamanam-ma, deman-na seli, tehu O taoafik neu hataholi, matasi'da-matasaek-ka boe; hataholi manakoao-ndaeaok-ka, ta hapu nafuni neme O mai fa.

⁷Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

⁸Neukose, O tao matetu, O hehelum neu au-a; boso hahae tao hata esa, ba'eneu O anam-mala.