Read Termanu MAZMUR 14 Bible Online

MAZMUR 14 - Termanu bible

MAZMUR 14

¹ Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

²MANETUALAIN mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

³Tehu basa hataholi-la, la'ok sala ma ha'da-tataon-nala ta kandaak fa, ta hapu hataholi esa boen, fo ana tao malole fa.

⁴MANETUALAIN nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

⁵Hataholi mangalauk-ka, neukose ana bii-namata'u nanseli, nana Manetualain, nasulu-nahapa hataholi fo, manatunga neun-na.

⁶Hataholi mangalauk-ka, ana nau napanggengge hataholi nuu ta-hata tak-ka, tehu MANETUALAIN da'di manamasulu-mahapa neus.

⁷Ela leo been-na, Israel so'da-molen, ana mai neme Sion mai! Boema, Yakob tititi-nonosin, neukose namaoko metema MANETUALAIN natetea-nahehele anan-nala so'dan-nala.