Read Termanu MAZMUR 141 Bible Online

MAZMUR 141 - Termanu bible

MAZMUR 141

¹Dauk Kokoa-kikiok. Ou MANETUALAIN, au aloo bou-bou neu O, de tulu-fali au no lai-laik! Metema, au aloo bou-bou neu O soona, mamanene au.

² Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

³Ou MANETUALAIN, manea au bafang-nga, ma taoafik neu difadoong-nga.

⁴Madook au, neme hihii-nanauk fo tao tatao-nono'i mangalauk-ka mai. Boso po'ilotak au, fo au akabubua o hataholi malelesik-ka ma au u'a sama-sama os, nai sila feta-doten.

⁵Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

⁶Metema, sila manakoasan-nala, nanatapa henik neme felak mabatuk-kala mai soona, neukose ala manaku, lae au hala-hoholang la'en.

⁷Neukose ita duin-nala, nananggenggelak nai lates-sa su'un-na, sama leo tapa batu esa neu dae lain, fo nakalulutuk.

⁸Tehu, au amahena ahele neu O, ou au Amang MANETUALAING, boso po'ilotak au mate, nana asulu-ahapa neu O.

⁹Masulu-mahapa au, neme hihi'ik fo, nanalonak ba'eneu au, ma neme hataholi mangalauk sila-la meobesin-na mai.

¹⁰Nemen-na fo, hihi'in-nala nala seluk-kasa, tehu sa'di leo bee-na, au aso'da.