Read Termanu MAZMUR 145 Bible Online

MAZMUR 145 - Termanu bible

MAZMUR 145

¹Kokoa-kikiok neme Dauk mai. Au nau amatutua-amadedema O, ou au Manetualaing ma au Maneng-nga, ma koa-kio O, losa dodoon-na.

²Tunga faik, au nau oke makasi neu O, ma koa-kio O, losa dodoon-na.

³Nana MANETUALAIN matua-madema, ma nanakoa-nanakiok nanseli, matua-mademan ta hapu dodoo-nala fan.

⁴Neme bobongik leo bobongik neu, neukose ala koa-kio O tatao-nono'im, ma lala tui-benga O palanim-ma.

⁵Neukose, ala tui-benga O matua-mademan, ma O mandela-masa'am, neukose, au dodoo-tatai O tatao-nono'im fo, nanadodoo-doak-kana.

⁶Ala tui-benga O tatao-nono'i matuainam-ma, neukose au tui O matua-mademam.

⁷Neukose, hataholi tui O malolem lala'ena, ma lakamee la'eneu O ndoos ma matetum-ma.

⁸MANETUALAIN ndia, manasue ma manalai, ta haelai namanasa, ma sue-lai tataas esa.

⁹Manetualain ndia, malole neu basa hataholi lala'ena, ma Ana sue-lai basa lima tataan-na.

¹⁰Neukose basa O lima tataam-mala, koa-kio O, ou MANETUALAIN, basa O anam-mala, neukose loke makasi neu O.

¹¹Neukose, ala lamatutua-lamadedema O koasam-ma, da'di leo Manek, ma ala tui O palanim-ma,

¹²fo ela basa hataholi-la bubuluk O tatao-nono'i matuainam-ma, boema O nusam fo, mandela-masa'ak ma henuk no namahoko-seteleek.

¹³O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. MANETUALAIN lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

¹⁴MANETUALAIN tulu-fali hataholi fo, nai susa dale, ma Ana tao natetu hataholi makatelek-ka langan-na.

¹⁵Basa mahahae maso'dak-kala, lamahena neu O; O fes la'a la'e fain-na.

¹⁶O tao matetu sila paluun lala'ena, nalosa ala ta to'a-ta fa.

¹⁷MANETUALAIN ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

¹⁸Ana deka no hataholi fo, naloo bou-bou neun, ma manadokodoen neun, no dale ndoos.

¹⁹Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

²⁰Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

²¹Au nau koa-kio MANETUALAIN tataas esa, ele leo bee-na, basa Manetualain mahahaen-nala, koa-kio MANETUALAIN na'den-na, losa dodoon-na.