Read Termanu MAZMUR 21 Bible Online

MAZMUR 21 - Termanu bible

MAZMUR 21

¹Soaneu mauli-malanga nakameek-ka. Dauk kokoa-kikion-na.

²Ou MANETUALAIN, manek-ka namahoko nanahu O matetea-mahehele basan so; namahoko-setelee nanahu sesengik O fe neun!

³O tao matetu dale hihii-nanaun so, ma O fen hata fo noken.

⁴O mai neun no baba'e-papala manasasi kao-kaok-ka, ma O tao ti'ilanga lilopilas-sa neu langan lain.

⁵Ana dokodoe maso'dak, de O fen, nakalenak teu manalu losa dodoon-na.

⁶Hu kande O tutulu-fafalim, de ana da'di hataholi nanafe ha'da-holomata nanseli, O taom-man da'di nananita-nalelak, ma na'den-na naboomeni.

⁷O ba'e-palan nakandondoo henin; O mamaim-ma, tao-nan henuk no namahoko-seteleek.

⁸Manek-ka namahena neu MANETUALAIN Fo Mademaina, so'dan-na nee-nee lino-lino, tataas esa nana MANETUALAIN sue-lai nahelen.

⁹Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

¹⁰Ana mai sama leo ha'i manapila lo'a-lo'ak-ka, fo ana tao namopo-namates. Neukose MANETUALAIN nasa-melun tao namopo-namates, ma hu kande ha'i mana'a maputuk-ka.

¹¹Neme sila tititi-nonosin-na mai, ta ela esa boen, neukose manek-ka taonisa la'iesak-kasa.

¹²Metema ala tutu'u enok soaneu la'ban manek-ka soona, sila eno tipu-dain ndia, neukose ta neni buna-boak fa.

¹³Neukose ana kou kokou isin-na, nalosa ala lepos lasafali, fo lalai.

¹⁴Ami koa-kio O MANETUALAIN, nana O koasam-ma, ba'un-na seli, ami makamee koa-kio O be'i-balakaim.