Read Termanu MAZMUR 43 Bible Online

MAZMUR 43 - Termanu bible

MAZMUR 43

¹Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

²O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

³Matu'du O lilinekam fo nasalaa-na au, ma ana hela-nole au, fo ela au fali leo Sion, fo O pupuku malalao-malalafum ma leo Uma fo O mamana leleom-ma neu.

⁴Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

⁵Tao le'e de, au daleng-nga he'dis-sa, ma ta tesa-tama fa? Au amahena neu Manetualain, boema neukose au oke makasi seluk neun, neu au Manetualaing-nga ma au manasoi-manatefang-nga.