Read Termanu MAZMUR 48 Bible Online

MAZMUR 48 - Termanu bible

MAZMUR 48

¹Teidalek Korah kokoa-kikion-na.

²Tete'ek-ka, MANETUALAIN matua-madema, ma nanakoa-nanakiok nanseli nai ita Manetualain kotan-na, nai pupuku malalao-malalafuk-ka.

³ Sion, fo Manetualain pupukun-na, namadema mana'ahiik, Mane Matua-madema kotan-na, tao namahoko daebafak-ka lala'ena.

⁴Manetualain leo nai kota musun-nala, se'kona Ndia mesak-kana nde manamasulu-manamahapan-na.

⁵Mete leona, mane-manek-kala lakabubua; ala sanga mai sapu.

⁶Tehu lita pupukuk ndia boema, bafan-nala be poo; lakalupu, de lalai no lapangamak.

⁷Nai naa, ala dele beengge'be no bibii-namata'uk, ma lame'da he'dis sama leo inak fo ana sanga bongi,

⁸sama leo ofak fo nakalulutuk nai ani-sangu dale.

⁹Sama leo hata fo ita tamanenen, de besak ia ita titan nai MANETUALAIN Fo Manakoasa kotan-na. Kota ndia nde been-na, ita Manetualain Kotan-na, Nasala'en losa dodoon-na.

¹⁰Ou Manetualain, nai O Umam dale, ami dodoo-tatai O susue-lalaim.

¹¹O na'dem-ma nananita-nalelak, ma nanakoa-nanakiok nai basa daebafak-ka lala'ena, O paleta no ndoos ma matetuk.

¹²Nemen-na fo laun Sion ma laun Yehuda-la eeki-latadale no namahoko-seteleek, nanahu O huku sila musu noon-na.

¹³La'ok okofefeo Sion, ma puta neu-mai moon, fo leke uma puni mademan-nala.

¹⁴Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

¹⁵“Ndia nde Manetualain, fo ita Manetualain-na losa dodoon-na, neukose Ndia nde nauli-nalanga ita neme doon losa dodo-na.”