Read Termanu MAZMUR 53 Bible Online

MAZMUR 53 - Termanu bible

MAZMUR 53

¹Soaneu mauli-malanga nakameek. Tunga nakameek Mahalat-ta. Dauk nakamee nanolin-na.

² Hataholi nggoak-ka dodoo nai dalen dale nae, “Ta hapu Manetualain fa.” Sila tatao-nono'in mangalauk, ma ta kandaak fa; ta hapu manatao malole fa.

³MANETUALAIN mete hataholi daebafak-ka neme nusa so'dak-ka mai, soaneu Ana sanga hataholi manatee-tenok fo manasene-do'ok neun.

⁴Tehu basa hataholi-la singo heni eno ndoos-sa, ma tatao-nono'in-nala tofa-tafi, ta hapu hataholi esa boen tao malole fa.

⁵MANETUALAIN nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”

⁶Hataholi mangalauk-ka, neukose ana bii-namata'u nanseli, te se'kona, ta hapu manamakatata'auk fa, nana Manetualain nggenggela-ngganggali hataholi manalakahapi-la emi-a, duin-nala; Manetualain tipas so, de neukose emi sengis.

⁷Ela leo been-na, so'da-molek-ka ana mai neme Pupukuk Sion-na mai, ba'eneu Israel. Soona Yakob tititi-nonosin, neukose lamahoko-setelee, metema MANETUALAIN tao nabebeu anan-nala so'dan-na.