Read Termanu MAZMUR 57 Bible Online

MAZMUR 57 - Termanu bible

MAZMUR 57

¹ Soaneu mauli-malanga nakameek. Tunga nakameek: Boso tao mamopo-mamaten. Dauk kokoa-kikion-na, nai lelek ana nalai leo leak dale neu, nanahu ana bii Saul.

²Sue-lai au, ou Manetualain, sue-lai au, nana au asulu-ahapa neu O. Au ke'ke nai O li'da nasulu-nahapam dale, losa ani-sangu matuaina nate'e.

³Au aloo boou-bou neu Manetualain Fo Mademaina, neu Manetualain fo manaho'i nakeketuk saoneu au.

⁴Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

⁵Musu-a nakahapi-na au, sila sama leo singa mana'a hataholi. Nisin-nala, sama leo tee ma kou-kou isik-ka, maan-nala sama leo tafaina matane.

⁶Ou Manetualain, matu'du O matua-mademam nai lalai, ma O mandela-masa'am nai daebafak-ka lala'ena.

⁷Au musung-ngala lona hihi'ik ba'eneu au, ma ala tao lamopo au manggateng-nga. Ala kali bolok nai au enong-nga, tehu sila nde tu'da leo dalek leu-a.

⁸Au amahele ahele, ou Manetualain, au amahele ahele, au nau akamee ma koa-kio O.

⁹Hai au samaneng-ngonei, fo'a leona! Hai gambus ma kecapi, fo'a leona! Au nau fafae afo'a dulufula.

¹⁰MANETUALAIN, au nau oke makasi neu O, nai leoina-la tala'da. Au hii akamee nakamee kokoa-kikiok ba'eneu O, nai hataholi daebafak-kala tala'da.

¹¹Nana O susue-lalaim matuaina, losa leo lalai neu, ma O lilinekam losa leo ko'as-sa neu.

¹²Ou Manetualain, matu'du O matua-mademan nai lalai, ma O mandela-masa'am nai daebafak-ka lala'ena.