Read Termanu MAZMUR 58 Bible Online

MAZMUR 58 - Termanu bible

MAZMUR 58

¹Soaneu mauli-malanga nakameek. Tunga nakameek: Boso tao mamopo-mamaten. Kokoa-kikiok neme Dauk-ka mai.

²Hai basa manakoasa-la lemin ade, emi nakeketum-ma ndoos ma matetuk do? Ade emi maketu tunga ndoon-na, nai lelek emi maketu-mala'di hataholi daebafak-ka do?

³Ta, emi tutu'u hata fo mangalauk, ma tao naseti-nalakak nai nusak ia.

⁴Hataholi mangalauk-ka sala enok-ka so, mulai neme bei nailun-nana ala tipu-dai so, mulai neme bongis-sala.

⁵Sila malasok, sama leo menge malasok-ka, ma ala sule ketu di'idoon-nala, sama leo menge pakek esa

⁶fo ta namanene manamanea malelak-ka, halan-na fa, do hataholi fo manafe paleta neunana halan-na fa.

⁷Ou Manetualain, helu la'di nisin-nala leon, Fe'a heni singa molisoluk sila-la nolin-nala leon MANETUALAIN.

⁸Nemen-na fo mopok-kasa sama leo oe fo namasu, sama leo kou-kou isik fo pa'an so.

⁹Nemen-na fo ala da'di sama leo nggonggoek-ka fo ana faa da'di fafalek, sama leo ni'iana bongi beuk-ka maten te beita nita mangale'dok-ka fa.

¹⁰Beita lame'da fa te, mopo-mates so, sama leo makatemak fo bei momo'dok ma beita namatua fa, te anin-na fuu nenin nono'kabai bubu'u-palusa tuuk-ka.

¹¹Nita hataholi mangalauk-ka nanahukuk, hataholi dale ndoos-sa namahoko-setelee, ma ana safe ein-na, nai hataholi malelesik-ka daan dale.

¹²Neukose hataholi-a nafa'da nae, “Memak hataholi malole-a, ana hapu ngga'di, tete'ek-ka, hapu Manetualain fo mananaketu-nala'di nai daebafak-ka.”