Read Termanu MAZMUR 6 Bible Online

MAZMUR 6 - Termanu bible

MAZMUR 6

¹Soaneu mauli-malanga nakameek-ka. Nenik nakaminak kecapi. Tunga nakamee ka 8-a. Dauk kokoa-kikion-na.

² MANETUALAIN, boso fepa-li'u au nai O nasa-melum-ma dalek, boso huku au, nai O nasa-melum-ma dalek.

³Sue-lai au ou MANETUALAIN, nana basa au be'i-balakaing so, matetea-mahehele au, nana au sota-mangu.

⁴Au daleng-nga napangamak nanseli; O la'oela au losa faihi'da, ou MANETUALAIN?

⁵Fali ma'im-ma leon MANETUALAIN, fo soi-po'i au, soi-tefa-mala au, nanahu O susue-lalaim.

⁶Nana nai bolo mamates-sa dalek, ta lafandele O so'on; ta hapu manakoa-kio O nai hataholi manamatek-ka daebafan-na fa.

⁷Au sota-mangu nanahu hoo-nggu'uk-ka; tunga-tunga le'odaen-na, au luu oeng-nga faa nakadoe au pepe'ung-nga.

⁸Au matang-nga keluha'bu, nanahu dale he'dik-ka, ma nasalalalok, nanahu au musung-ngala.

⁹ La'o leona, hai hataholi mangalauk-kala lemin, nana MANETUALAIN namanene basa au kikii-makaleleung so.

¹⁰MANETUALAIN namanene au dokodoeng-nga, de Ana sipok au huhule-haladoing.

¹¹Neukose basa au musung-ngala nggenge ma ala mae de no dedelek, lakadedeak tu'tik.