Read Termanu MAZMUR 62 Bible Online

MAZMUR 62 - Termanu bible

MAZMUR 62

¹Soaneu mauli-malanga nakameek-ka. Tunga Yedutun. Dauk kokoa-kikion.

²Au ahani Manetualain, no au samaneng-nga tesa-tama, au so'da-moleng, neme ka'da Ndia mai.

³Ka'da Ndia nde, nasulu-nahapa ma soi-tefa au, Au manamasala'eng-nga nde Ndia, de neukose au ta anggengo fa.

⁴Losa faihi'da, emi basa-basam-mala, nau sapu-ma hataholi esa, fo hataholi ndia, sama leo papala maso'ok-ka, ma papala nanadamak fo, hihii nae bala neu-a?

⁵Emi ka'da tutu'u enok, fo tao matu'dan neme nangatutuu mademan-na mai. Emi hii ka'da masapepeko-masandandali; emi fe baba'e-papalak menik emi bafam-ma, tehu supa-soo-a nai emi dalem dale.

⁶Au samaneng-nga nahani Manetualain no nee-nee lino-linok, au so'da-moleng, neme ka'da Ndia mai.

⁷Ka'da Ndia nde nasulu-nahapa, ma soi-tefa au; Au manasoi-manatefang nde Ndia, de au ta anggengo fa.

⁸Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

⁹Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

¹⁰Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

¹¹Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

¹²Au amanene Manetualain nafa'da la'i de'ubee, nae koasa, ana mai neme Ndia mai,

¹³ ma nae Ana sue-lai nahele. Ou MANETUALAIN, O balas hataholi-a esa-esak, tunga tatao-nono'in.