Read Termanu MAZMUR 67 Bible Online

MAZMUR 67 - Termanu bible

MAZMUR 67

¹Soaneu mauli-malanga nakameek-ka. Nenik nakaminak kecapi. Kokoa-kikiok.

²Ela leo bee-na, Manetualain sue-lai, ma ba'e-pala ita, ela leo bee-na, mata-panan mangale'don-na, nangale'do la'e ita.

³Ou Manetualain, ela leo bee-na O hihii-nanaum nananalelak nai daebafak-ka lala'ena, ma O so'da-molem, nananafa'dak nai basa leoina-la tala'da.

⁴Ela leo bee-na, leoina-la koa-kio O, ou Manetualain, ela leo bee-na, basa leoina-la loke makasi neu O.

⁵Ela leo bee-na, basa leoina-la eeki-latadale ma lamahoko-setelee, ma lakamee no namahokok nana O paleta no ndoos ma matetuk ma hela-nole leoina-la esa-esak nai daebafak-ka.

⁶Ela leo bee-na, leoina-la koa-kio O, ou MANETUALAIN, ela leo bee-na, basa leoina-la loke makasi neu O.

⁷Dae-a, fe basa buna-boan so, Manetualain, fo ita Manetualain-na, ba'e-pala basa ita so.

⁸Manetualain ba'e-pala basa ita so; ela leo bee-na, nanafe ha'da-holomata nai basa daebafak-ka lala'ena!