Read Termanu MAZMUR 7 Bible Online

MAZMUR 7 - Termanu bible

MAZMUR 7

¹Dauk kikii-makaleleun nananakameek ba'eneu MANETUALAIN nanahu Kus fo hataholi Benyamin ndia.

²Ou MANETUALAIN fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

³Boso po'ilotak-kasa sama leo singa ana kaa-na au fo ana lele'a-loloso au, te ta hapu tutulu-fafalik ba'eneu au fa.

⁴Ou MANETUALAIN fo au Manetualaing-nga, leouni'ka au ta tao tunga ndoos ma matetuk-ka, ma tao mangalauk soaneu au tia-laing, do akatutu'dak musu nok-ka, tehu ne'ek ta, metema au tao leondiak soona,

⁶nemen-na fo musu usi au, fo ana ho'un-na au, boema ana taonisa au, fo ana la'oela au popolang-nga nai dae lain.

⁷Fo'a leon nai O nasa-melum dale, ou MANETUALAIN, fo la'ban au musung-ngala, nasa-melun. Fo'a leona, fo tulu-fali au, nana O nau ka'da ndoos ma matetuk.

⁸Taom-makabubua leoina-la nai O boboa-kaisum, fo koasa neme O kandela manem manai nusa so'dak-ka mai.

⁹O maketu-mala'di hataholi daebafak-ka; fe au ndoos ma matetuk, ou MANETUALAIN, nana au salang ta.

¹⁰ Tao mate'e hataholi malelesik-ka tatao-nono'i mangalaun-na, ma matetea-mahehele hataholi malole-a dalen-na nana O Manetualain fo ndoos ma matetuk, ma manafola hataholi daebafak-ka dalen-na ma dudu'a-aafin.

¹¹Au masulu-mahapang nde Manetualain fo manasoi-tefa hataholi dale ndoos-sa.

¹²Manetualain nde been-na, manakee-manafula ndoos ma matetuk, fo tunga-tunga hatematak, Ana huku hataholi mangalauk-ka.

¹³Metema ta lasafali sila ha'da-tataon fa soona, Ana naheheleaon, nenik tafaina maneni mamates-sa. Ana fofola tafainan-na, ma Ana hela kokoun-na, boema Ana kou kou-kou isi manapilan-na neu.

¹⁵Mitak hataholi mangalauk-ka ana tutu'u tatao-nono'i mangalauk; ana tutu'u tatao-nono'i mangauk-ka, ma ana tao tatao-nono'i tipu-daik.

¹⁶Ana kali bolok soaneu hataholi fe'ek, tehu ndia mesak-kana nde tu'da leo dalek neu.

¹⁷Da'di, ndia nanahukuk hu kande tatao-nono'i mangalaun-na, ma nanafepa-li'uk hu kande malaka-masetin-na.

¹⁸Au oke makasi neu MANETUALAIN nana Ndia ndoos matetuk, au akamee nakamee kokoa-kikiok ba'eneu MANETUALAIN Fo Mademaina.