Read Termanu MAZMUR 76 Bible Online

MAZMUR 76 - Termanu bible

MAZMUR 76

¹Soaneu mauli-malanga nakameek-ka. Nenik kecapi liin-na. Asaf Kokoa-kikion. Nakameek.

²Manetualain nananita-nalelak nai Yehuda; na'den-na nanakoa-nanakiok nai Israel.

³Yerusalem nde been-na, mamana leleon-na; Pupukuk Sion-na, mamana leleon-na.

⁴Nai naa, Ana tao nakalulutuk basa taka-besi natee-natatik, basa kokou isi mangadilak-kala, babaa fanak ma tafaina.

⁵Tete'ek-ka, O matua-madema, ma mandela-masa'ak, lena heni lete-letek makahulun eli.

⁶Hataholi manakalok-kala, ala kalo hataholi palani-la so; ala sungu, de neukose ala ta fo'a so'on. Solda'du ao makadelek-kala mopo be'i-balakain-nala so.

⁷Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

⁸Tete'ek-ka, O anseli! Metema, O mamanasa soona, see kande bisa nakatatakak-ka?

⁹O mafa'da O naketu-nala'dim neme lalai mai; daebafak-ka bii-namata'u, de denge-denge.

¹⁰Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

¹¹Hataholi palani tatibatu-la boeo, koa-kio O, ma hataholi fo bei namanasa, ana pake si'di kalong, fo da'di ta'du-tana manasusak.

¹²Tao matetu o hehelu-balataam neu o MANETUALAIN. Ela leo been-na, basa leoina fo, ala leo deka, leni tunu-hotuk ba'eneu Manetualain fo, nanabii-namata'uk-ka.

¹³Ana helu la'di basa manakoasa-la manggaten-na, Ndia nde anseli ba'eneu mane-manek manai daebafak-kala.