Read Termanu MAZMUR 79 Bible Online

MAZMUR 79 - Termanu bible

MAZMUR 79

¹ Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

²Ala la'oela O atam-mala popolan-nala, de ala da'di manupui manai lalai-la, nana'an-na. Ala po'ilotak basa O hataholi susue-lalaim-mala, popolan-nala da'di bana fuik-kala nana'an-na.

³Daan-nala faa sama leo oe-a, nai kota Yerusalem-ma dalek; ta hapu hataholi natotoi-natotono fas.

⁴Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

⁵Ou MANETUALAIN, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

⁶Po'a O nasa-melum neu leoina-la fo ta lalelak O fa, ma neu nusa-nusak fo, ala ta lilineka ma fe ha'da-holomata neu O fa.

⁷Nana ala tao lamopo-lamate O anam-mala so, ma ala tao lakalulutuk mamana leleon-nala.

⁸Boso huku ami, hu kande ami bei-ba'i kaim-mala sala-singon. Sue-lai ami no lai-laik, nana ketu ami namahehenam-ma so.

⁹Tulu-fali ami, ou Manetualain, fo ami manasoi-manatefam-ma, fe do'o do ampon neu ami sala-singom, ma soi-po'i ami hu kande O na'dem fo, nanafe ha'da-holomatak ndia.

¹⁰Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

¹¹Mamanene hataholi nanahukuk-kala hoo-nggu'un; ela leo been-na, hataholi fo, nananaketu basak, soaneu maten nemen-na fo naso'da, nanahu O koasam-ma.

¹²Ou MANETUALAIN, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

¹³Boema ami, fo O anam-mala, O bi'ilopo fofoom-ma, neukose ami moke makasi neu O, ma koa-kio O losa dodoon-na.