Read Termanu MAZMUR 82 Bible Online

MAZMUR 82 - Termanu bible

MAZMUR 82

¹Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

²“Boso boe maketu-mala'di no ta tunga ndoon-na fa, ma boso mook hataholi manatao tatao-nono'i mangalauk-ka.

³Masala'e anamaak-kala, ma hataholi tapandoes-sa, fe ndoos ma matetuk neu hataholi nuu ta-hata taak-ka, ma hataholi manadoi-dosok-ka.

⁴Soi-po'i hataholi tapandoes-sa, ma hataholi fo manatulu-manafalin ta soi-tefa-malas leme hataholi mangalauk-ka liman mai.

⁵Emi ta bubuluk hata-hata fa, nggoak ma matofa-matalak, hu kande emi, de nalutu ha'da nggolok-ka.

⁶ Au afa'da, ae emi hataholi salanik emi basa-basam-mala nde bee-na, Manetualain Fo Mademaina, anan-nala.

⁷Tehu neukose emi mate, sama leo hataholi daebafak-ka, emi boeo, neukose manamatek, sama leo hataholi matua-madema esa boe.”

⁸Mai leon ou Manetualain, fo maketu-mala'di daebafak-ka, nana basa leoina-la nde bee-na, O nuum.