Read Termanu MAZMUR 84 Bible Online

MAZMUR 84 - Termanu bible

MAZMUR 84

¹Soaneu mauli-malanga nakameek-ka. Tunga nakameek: Gitit. Teidalek Korah Kokoa-kikion-na.

²O mamana leleom-ma, lolen-na seli, ou Manetualain Fo Manakoasa!

³Au daleng-nga nahiik nanseli neu O Umam-ma, au aopaa-samaneng eeki-natadale ba'eneu Manetualain fo maso'dak-ka.

⁴Nakalenak, manupui daiana hapu uma, ma manupui lalao-a ndunun esa, ala pe'da anan-nala nai mamanak fo, ana deka no, O mei tutunu-hohotum-ma, Ou MANETUALAIN Fo Manakoasa, fo au Maneng-nga ma au Manetualaing-nga.

⁵Tete'ek-ka, maua-manalek ba'eneu hataholi fo ana leo nai O Umam-ma, ma nakamee kokoa-kikiok ba'eneu O tataas esa.

⁶Maua-manalek ba'eneu hataholi fo, ana hapu be'i-balakaik neme O mai, ma hataholi fo nahiik kokook leo Pupukuk Sion-na neu.

⁷Lelek ala la'ok tunga dokek Baka, ala tao lasafali mamanak ndia, da'di oemata, de u'dan makasososak-ka, po'a-nggangan nenik baba'e-papalak.

⁸Be'i-balakain-nala boe tama, nai lelek, ala la'ok leo Sion, fo leo Manetualain mamanan, fo lamatua daebafak lala'ena, latu'du aoinan-nala.

⁹Mamanene au huhule-haladoing, ou Amak MANETUALAIN Fo Manakoasa, mamanene leon, ou Yakob Manetualain-na.

¹⁰Fe ami manem-ma, baba'e-papalak, ou Manetualain, Masulu-mahapa hataholi fo O hele basak-kala so.

¹¹Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

¹²Nana MANETUALAIN nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

¹³Ou MANETUALAIN Fo Manakoasa, maua-manalek ba'eneu hataholi fo namahele neu O.