Read Termanu MAZMUR 95 Bible Online

MAZMUR 95 - Termanu bible

MAZMUR 95

¹Mai fo, ata takamee ba'eneu MANETUALAIN, eeki-tatadale, ba'eneu ita manasoi-manatefan-na!

²Mai fo, ata teu leo matan-na teu, nenik nakamee makasi, eeki-tatadale ba'eneun, nenik nakamee kokoa-kikiok.

³Nana MANETUALAIN nde bee-na, Manetualain fo matua-madema, Manek makadelek fo nai lamatua daebafak lala'ena lain.

⁴Ana koasa daebafak-ka buin-na lala'ena, letek-kala poin-nala boeo, Ndia nuun.

⁵Ana koasa tasi-a, nana Ndia nde nakadada'dik-kana, dae ma'dak-ka boeo, Ndia lima tataan.

⁶Mai fo, ata takaluku-takatele fo sene-do'ok neun, senek nai MANETUALAIN, fo manamakadada'dik ita, matan.

⁷ Nana Ndia nde, ita Manetualain-na, fo Ndia ana nakaboboin ita, sama leo Ana foo bi'ilopo-a. O mamanene halan-na, nai faik ia soona,

⁸ “Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

⁹Ala so'ba Au neme naa, leomae lita basa Au tatao-nono'ing so.

¹⁰Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

¹¹ Boema Au soo-supa nai Au nasa-melung dale ae, neukose ala ta masok leo, nusak ndia dalek leu fa, fo ala hahaeaon-nala, sama-sama loo Au.”