Read Termanu MAZMUR 98 Bible Online

MAZMUR 98 - Termanu bible

MAZMUR 98

¹Kokoa-kikiok. Makamee nakamee beuk ba'eneu MANETUALAIN, nanahu tatao-nono'i matua-mademan! No koasa ma be'i-balakain mesak-kana, de Ana hapu sesengik so.

²MANETUALAIN tui-benga sesengin-na! Nafa'da ndoos ma matetun-na neu leoina-la.

³Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

⁴Eeki-matadale ba'eneu MANETUALAIN leona, hai basa daebafak-ka lala'ena lemin! Koa-kio MANETUALAIN nenik nakameek, ma eeki-natadalek.

⁵Makamee nakamee kokoa-kikiok ba'eneu MANETUALAIN, nenik nakaminak kecapi.

⁶Fuu trompet ma pupuuk-ka, ma eeki-matadale ba'eneu MANETUALAIN, fo ita Manen-na.

⁷Mangguu leona, hai tasi no basa oe-isin lala'ena, daebafak-ka no basa manaleo manai dalek-kala.

⁸Namen-na fo, lee-la, ala totoko liman-nala, ma pupukuk-kala, eeki-latadale lai MANETUALAIN matan.

⁹Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.