Read Termanu MAZMUR 99 Bible Online

MAZMUR 99 - Termanu bible

MAZMUR 99

¹ MANETUALAIN nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

²MANETUALAIN koasan-na, ba'un-na seli nai Sion; Ndia matua-madema, lena heni leoina lala'ena.

³Nemen-na fo, ala koa-kio na'den fo mandela-masa'ak-ka. Ndia malalao-malalafuk.

⁴Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

⁵So'uk mamadema ita Aman MANETUALAIN sene-do'ok nai kandela manen-na matan-na. Ndia malalao-malalafuk!

⁶Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu MANETUALAIN, de Ana fe natataak.

⁷ Ana kokolak nos neme dii ko'as dale mai, ala tunga basa hoholo-lalanen ma paletan-nala.

⁸Ou ami Amam MANETUALAIN O mataa O anam-mala; Ba'eneu sila soona, O nde bee-na Manetualain, fo nau fe do'o do ampon, leomae O hukus, nanahu sila sala-singon-nala boe.

⁹So'uk mamadema ita Aman MANETUALAIN, ma sene-do'ok-kana, nai pupukun fo malalao-malalafuk-ka, nana ita Aman MANETUALAIN, malalao-malalafuk.