Read Termanu AMSAL 22 Bible Online

AMSAL 22 - Termanu bible

AMSAL 22

¹Na'de malole-a, belin-na lena heni, hata-heto makadotok-ka; hataholi sue-lai ita, malole lena neme ana fe ita lilofulak ma lilopilas.

²Hataholi kamasu'i-makabetek-ka, no hataholi nuu-taa hata-taak-ka, lanuu dede'ak esa, sama: fo nde, MANETUALAIN nakadada'dik duas.

³Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

⁴Hataholi fo, namahele neu MANETUALAIN ma nakaloe-nakadae aoinan-na, neukose naua-nanale, tetu-temak ma nanafe ha'da-holomata.

⁵Meobesi ma hihi'ik-ka, nai hataholi manatao peko-pakik-ka, enon-na; metema, o nau maso'da soona, madook aoinam-ma neme basa sila-la mai.

⁶Manoli maso'dak matetu-mandaak-ka eno-dalan, neu ni'iana esa soona losa fai lasin-na te, neukose naso'da leondiak boe.

⁷Hataholi kamasu'i-makabetek-ka, ana koasa hataholi nuu-taa hata-taak-ka; hataholi manafe totonak-ka, ana koasa hataholi manatonak-ka.

⁸Hataholi manasele-nggali peko-pakik-ka, ana ketu-kolu soe-a; mate'en-na, neukose mopok koasan fo, ana ho'i nakeketuk tunga dale hihii mesan-na ndia.

⁹MANETUALAIN fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

¹⁰Usi heni hataholi fo, ana nau nakamumulu-nakamamaek hataholi, soona nale'a-napilik ta, esa ta musu no esa, ma esa ta nakamuu-nakadau esa so'on.

¹¹Hataholi fo ana sue-lai dale ndoos-sa, ma hala-kokolan makeek-mamina soona, neukose, ana da'di manek-ka tia-lain.

¹²Hataholi manatao peko-pakik-ka, masapepeko-masandandalin nanabubuluk soona, MANETUALAIN nanea, fo ela malelak fo ndoos-sa, nananakaboboik nahele.

¹³Hataholi pelatua maisik-ka, ana nau ka'da nai uma; nafa'da nae, “Singa nai deak, de ana bisa kaa-na au, nai eno tala'dak.”

¹⁴Ina manasosoa-piaok-ka, fufu'di-oo'do makee-maminan-na, nalupa hihi'ik; fo MANETUALAIN namanasa hataholi-a, ana kosik leo dalek neu.

¹⁵Memak nandaa, ni'iana-la tao tatao-nono'i nggoak-kala, tehu ue-a nanolis, fo ala tuka-tei sale-dale.

¹⁶See nau da'di kamasu'i-makabetek, nenik ana tuni-ndeni hataholi nuu-taa hata-taak-ka, ma ana fe hataholi manuu-mahataak-ka bua palsen soona, neu mate'en-na te, neukose naleu-nalaak.

¹⁷Mamanene te, au sanga anoli emi, hataholi dodole maneu-la nanoli-nafa'dan! Taoafik neu, au nanoling-nga.

¹⁸Metema, o pe'da-fua au nanoling ndia, nai o dalem dale soona, neukose o mamahoko. Nanahu, no enok ndia, o maheheleaom basa so, metema o sanga pake nanolik ndia.

¹⁹Besak ia, au anolin neu o, nanahu au nau o tao o namahehelem-ma neu MANETUALAIN.

²⁰Au sulak basa fe o, nanoli-nafa'dak 30 so — nanoli-nafa'dak fo isin-na malelak ma nanoli-nafa'dak malole-la;

²¹ma neukose, au anoli o, hata fo te'e-te'e la'en. Mahani te, metema hataholi fe o natatanek soona, o bisa mataa la'en.

²²Boso tao makatutu'dak hataholi nuu-taa hata-taak-ka, nanahu hataholi nuu-taa hata-taak-ka tapandoes; ma boso heheta-aa'i hataholi fo, manatulu-manafalin ta, hak-ka nai manakee-manafula matan.

²³Nana neukose, MANETUALAIN nasala'e sila dede'an-na, ma Ana ho'i falik hataholi manatuni-ndeni-nana, ani hahaen-na.

²⁴Boso leo-mapalasa moo hataholi fo, ana nau ka'da namanasa, ma no lai-laik, daan-na sa'e.

²⁵Mahani te, neukose o na'da hataholi ndia ha'da-tataon, fo o ta bisa tu'u-tapa heni ha'da-tataok ndia so'on.

²⁶Boso maheluk, fo lu'a-lepa hataholi fe'ek, huta-bu'un.

²⁷Mahani te, metema o ta bae mabe'i fan soona, neukose beslaa-la o pepe'um-ma.

²⁸Boso laliheok dae too, fo o bei-ba'i kaim naketu basak-ka so.

²⁹O mita hai, hataholi malelak-ka tao ue-le'din so do beik? Neukose, ala fe hataholi ndia, naue-nale'di nai manek-kala uma manen-na, te ta nai hataholi laun-na uman fa.