Read Termanu KIDUNG AGUNG 3 Bible Online

KIDUNG AGUNG 3 - Termanu bible

KIDUNG AGUNG 3

¹Le'odaen-na nai au pepe'ung lain au sanga au tuana susueng-nga nai meis dale; au sangan, tehu manada'di taak.

²Au nau fo'a fo la'ok okofeo kota, au sanga nai basa enok-kala ma mangalolon-nala. Au nau sanga au touana susueng-nga; Au sangan tehu manada'di taak.

³Manamanea kota, latongo loo au boema au atane “Ade, emi mita au touana susueng-nga boe do?”

⁴Besak-ka au la'o elas tutik-ka au atongo o au touana susueng-nga. Au ho'u-an, de au ta po'i fan losa au on leo au inang uman neu, au on leo hataholi manabongi au-a, kaman dale neu.

⁵Hei anafe'oana yerusalem-mala lemin, maheluk leona, nenik nusa-la ma nusa susula mukuk-kala lai mook-ka, mae emi ta mapanggengge susue tou-taek, losa name'da namahokok.

⁶Ade ndia fo manamaik neme moo solokaek-ka mai, nalupa leo ha'i masu bubuak-ka do? Boomenin-na sama leo laluteik ma boomenik-ka, ma manadangan-nala badaa kaboomenin-nala.

⁷Mitak, Salomo kandela anan-na nde ndia, hataholi ao kahelek 60 okofeo-lan, hataholi israel ao kahelek,

⁸fo lalelak natee-natatik nai musu dale. Sila basa-basas lasakue tafaina nai kale'bon-nala laheheleao fo lasasalematak loo musu-a nai fai le'odaen-na.

⁹Salomo tao-na kandela anak esa, neme ai mateaina mai.

¹⁰Ana tao diin-na neme lilofulak-ka mai, ma nasala'dan-na, neme lilopilas-sa mai. Mamana nangatutuu-na dula pilabalanggeok, anafe'oana Yerusalem-mala seun no dale namahokok.

¹¹Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.