Read Termanu KIDUNG AGUNG 6 Bible Online

KIDUNG AGUNG 6 - Termanu bible

KIDUNG AGUNG 6

¹O touana susuem-ma neu leo bee neu, hai anafe'oanak mana'ahiik-kala lemin? O touana susuem-ma neu leo bee neu, fo daenga ami boeo tunga meu sangan?

²Au touana susueng-nga neu leo osin dale neu, neu leo osi bumbun-na neu fo ana foo bi'ilopon-nala nai osi, ma ana ketu bunga tale.

³Au touana susueng-nga nuun au, ma au nuung ndia, ana foo bi'ilopon-nala nai bunga tale-la tala'da.

⁴O mata makeek fa'ding-ngo makeen-na sama no kota Yerusalem-ma mana'a hiin-na sama no kota Tirzah-sa. O mata makeem-ma anseli, sama leo solda'du-la loo dedeo matua-mademan-nala.

⁵Lepos masadea au, nana o mata memete-ma, tao-na au apangamak. O langa doom-ma, sama leo bi'ihii bubuak manakona neme pupukuk Gilead-ta mai.

⁶O nisim-ma fulak, sama leo bi'ilopo bubuak fo besak-ka nggute bulun-na ma nadiu basa oe; dua-dua sama leo bi'ilopo ana takalapak ta mopo esa boen.

⁷O nasebu'um-ma, sama leo dalima boa seselik, nafuni nai o lalaa langam dale.

⁸Leomae hapu ina manek 60 ma saoina makahatuk 80, boema anafe'oanak makadotok nanseli,

⁹tehu au manupui kaluang ka'da esa mesak-kana, au susueng-nga, inan ana kisa susuen-na. Anafe'oanak-kala lita ma ala koa-kion, basa ina manek-kala ma saoina makahatuk-kala lasamanan.

¹⁰See ndia, de ana mai nono'kabai dulufula, mana'ahiik sama no bulak-ka nakatema, mangale'don-na sama leo le'do-a. Mata makeen-na anseli, sama leo solda'du-la loo dedeo matua-mademan-nala.

¹¹Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

¹²Au ahiik anseli no o susue tou-ta'em-ma, sama leo au ahiik sa'e kaleta musu sama-sama o basa manefetoana-la.

¹³Hai anafe'oana Sulam-mala lemin, longe leona, heheo-hihiluk aom-mala, fo ela ami masamanan. Tao le'e de, emi mahiik makanae au, te au bei longe nai manananilu makadadalak-kala tala'da?