Read Termanu YESAYA 20 Bible Online

YESAYA 20 - Termanu bible

YESAYA 20

¹No Sargon fo mane Asyur-ra paletan-na, de solda'du-la malanga matuainan-na sapu-na Asdod, fo kota esa nai Filistin.

²Teuk telu maneuk-ka, MANETUALAIN nadenu Yesaya, fo Amos anan-na, o'duheni ta'bueis ma si'di lafa lapik fo ana pakek-kala. Ana tunga, de ana la'ok no makaholak ma ana ta pake ta'bueis fa.

³Lelek kota Asdod-ta, nananakahapik, MANETUALAIN nafa'da nae, “Au atang Yesaya, nakahola-la, ma ana ta pake ta'bueis teuk telu dalen-na so. Ia nde da'di ta'du-tana neu hata fo, neukose ana da'di neu Masir ma Sudan.

⁴Neukose Manek Asyur-ra, ana foo nusa ka duak sila-la hataholin-nala, ma neukose ana lele'a-lolosos no makaholak. Lasik ma mulik, neukose basa-basas ala la'ok no ta pake ba'du, ma ta pake ta'bueis, de pelin-nala lai deak, da'di leo nakamumulu-nakamamaek esa soaneu Masir.

⁵Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

⁶Nai lelek ndia, hataholi manaleo nai tasi su'uk-kala, neukose lafa'da lae, ‘Mitak hata fo ana da'di neu leoina fo, ita tasalai ita dean-na neun, fo nasulu-nahapa ita neme mane Asyur-ra mai. Masa bole ita taso'da?’ ”