Read Termanu YESAYA 39 Bible Online

YESAYA 39 - Termanu bible

YESAYA 39

¹Nai lelek ndia, manek Babel-la, fo nde Merodakh, Baladan, fo Baladan anan-na, namanene lae Manek Hizkia besak-ka, ana lea-hai neme he'di-laus-sa mai Boema, nadenu hataholi neni susulak, ma bua palsen fe Hizkia.

²Hizkia sipok hataholi basa hataholi nadedenuk sila-la no namahokok, ma natu'dus asa ndia su'i-beten lala'en-na, fo nde lilopilas, ma lilofulak, bumbu-bumbu, ma mina kaboomenik, ma basa ndia solda'dun-nala tafa-sisilon lala'en-na. Basa hata lala'en fo, manai uma manek-ka, ma nai basa ndia su'i-beten lala'en-na, natu'du la'iesak-kasa neus.

³Basa boema, Nabi Yesaya, neu leo Hizkia neu, de natane nae, “Hataholi sila-la leme bee mai? Lafa'da lae le'e?” Boema Hizkia nataa nae, “Hataholi sila leme Babel, fo nusa dook mai.”

⁴Boema, Yesaya natane seluk nae, “Hataholi sila-la, lita beek nai uma manek-ka?” Hizkia nataa nae, “Lita basa hata lala'en-na. Basa hata lala'en fo manai uma manek-ka, au atu'du la'iesak-kasa neus.”

⁵Boema Yesaya nafa'da manek-ka nae, “MANETUALAIN Fo Manakoasan-nafa'da nae,

⁶‘Neukose fain-na losa, basa su'i-betes fo manai o uma manem-ma dalek, ma o bei-ba'i kaim-mala ue elak-kala, losa faik ia, nanakalo nenik leo Babel neu. Neukose ta ele hata esa boen.

⁷ Neukose ala ho'i-la, o upu-anam nggelok, fo ala taos da'di uma manek-ka hataholi mana'a ngga'din, fo lalalau-laoono manek Babel-la.’ ”

⁸Boema manek Hizkia nataa nae, “MANETUALAIN hala hehelun fo, o manduku-malosak-kana neu au-a, malole boe.” Ana nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”