Read Termanu YESAYA 64 Bible Online

YESAYA 64 - Termanu bible

YESAYA 64

¹Ou MANETUALAIN, siba'e lalai, fo kona mai leona, taom-ma letek-kala langgengo, nai O matam,

²sama leo ai-a, tao napila ha'i-a, de tao-na oe nakadoto. Fe O musum-mala, lita O koasam-ma, nalosa leoinak-kala dele nai O matam-ma.

³O tao hai, tatao-nono'i matuaina, fo ami ta dudu'a-dodoo mita fan. O kona mai, de letek-kala langgengo nai O matam-ma.

⁴ Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

⁵O soluk hataholi dale ndoos, fo naso'da tunga O hihii-nanaum. O mamanasa ami, tehu ami masala-masingo mahele, memak neme makahulun-na mai, ami masala.

⁶Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

⁷Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.

⁸Tehu O, ou MANETUALAIN, O nde been-na, ami Amam, ami ka'da dae manuteik mesan, ma o nde fe lupak neu ami; ami basa-basam-mala nde been-na, O lima tataam.

⁹Da'di boso mamanasa manseli, ou MANETUALAIN, boso boe mafandele seluk ami sala-singom; mete leona, te ami ia, O anam.

¹⁰O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

¹¹Manetualain Uman fo, malalao-malalafuk ma matua-madema, mamanak fo ami bei-ba'i kaim-mala, koa-kio O, ha'i-a, na'a nakalulutuk-kana so; basa mamanak fo, ami mahiik-kana, ala da'di ai-batu manandefak so.

¹²O mita basa sila-la, ou MANETUALAIN, masa bole, O ka'da denge-denge? Ade, neukose O po'ilotak ami doi-doso manseli do?