Read Termanu YEREMIA 15 Bible Online

YEREMIA 15 - Termanu bible

YEREMIA 15

¹ MANETUALAIN nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

² Metema ala latane neu o lae, sila muse leu leo bee leu, soona matas mae leoia, ‘MANETUALAIN nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

³Au, MANETUALAIN, nde aketu ae, huhukuk kahaak-ka fo mangalaun-nansei ndia, neukose ana da'di neu sila: neukose mate-mopos nai natee-natatik-ka dalek, neukose busa-la lale'a-loloso sila popolan-na, manupui-la la'as, ma nanataom-ma basak neme bana makisu-makak-kala mai.

⁴ Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

⁵MANETUALAIN nafa'da nae, “Hai Yerusalem laun-nala lemin, neukose se ka nde sue-lai emi? Se ka nde nau dalen-na he'dis no emi? Se ka nde nau singo soaneu natane emi ha'da tataom-ma?

⁶Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

⁷Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

⁸Neukose emi nusam-ma henuk no inafalu, lenaheni solokaek manai tasi-a su'un dede'un-na. Neukose Au taoisa hataholi-la nai fai muli-solun-na dalek de nalosa sila inan-na to'a-taa. Nai fai lele'don-na Au uni fes hataholi manamakak toto'a-tataak-ka esa fo nalosa ala lame'da bii-namata'uk ma ala maletale.

⁹Ina bongik fo mopo ana kahitun-nala ana sapala'o nanahu haha'ena nakase'e. Nai fai maso'dan-na dalek ana da'di nanamama'uk, ma ana name'da nananakadadaek ma nananakamumulu-nakamamaek. Au adenu emi musum-mala tao lisa bei mamamaso'dak fo nai emi tala'da. Au, MANETUALAIN, nde manakokolak.”

¹⁰Tete'ek-ka au ia ua-nale tak! Sosoak hata au inang bongi au? Au muse alea-apilik ma asipo bafak neu hataholi manai nusak ia. Leomae au beita akatotonok ita do tona-nggange fa, tehu basa hataholi supa-soo au.

¹¹MANETUALAIN, metema tete'ek au ta tao-no'i bela-ba'ung no malole fa, ma au ta sala'e musu-a nai O matam-ma fa nai lelek ala hapu toto'a-tataak-ka ma susa-soe fa soona, nemena fo hataholi sila-la supa-son te'e-te'e ana da'di. (

¹²Ta hapu hataholi esa helula'di besi-a boen, nakalenak besi maneme dulu mai-a fo nanasese'do basak no liti-a so).

¹³MANETUALAIN nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

¹⁴Neukose au tao-a sila da'di ata neu sila musun-nala nai nusa dea fo ala ta lalelak-kasa fa, nana au nasa-melung lua ponu-ponu sama leo ha'i-a pila lo'a-lo'a ma ta hapu nakamate fa.”

¹⁵Boema au afa'da ae, “MANETUALAIN, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

¹⁶O kokolak mo au, de au amanene basa O hala-kokolam lala'en-na. O num au, ou Amak MANETUALAIN Fo Manakoasa, hu ndia de O hala kokolam neni namahokok ma naua-nanale fe au.

¹⁷Au ta amahoko-setelee o hataholi fo ka'da lakabubua soaneu lakasosoe aok fa. Hu ka nde namahelek neu o-a de, au ame'dan no nameme'dak nasa-meluk.

¹⁸Tao le'e de ka'da au doi-doso ahele? Tao le'e de au bisung-nga matuina ma ana ta hapu hai fa? Ade O dudu'a mae taom-ma au daleng-nga ba'ihana sama leo lea da'di tuk nai fai hanan-na?”

¹⁹MANETUALAIN nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

²⁰Neukose Au tao o da'di lutu batu mahelek soaneu sila. Neukose ala latee-latati lo o tehu neukose ala ta hapu tao lakala o fa. Neukose Au ook o, ma asulu-ahapa ma soi-tefa ala o.

²¹Neukose Au atapo'ik o neme hataholi mangalauk-kala koasan-na mai, fo manasa-mameluk ndia. Au, MANETUALAIN, nde manakokolak.”