Read Termanu YEREMIA 21 Bible Online

YEREMIA 21 - Termanu bible

YEREMIA 21

¹Zedekia fo Yehuda manen haitu fe au Imam Pasyhur fo Malkia anan-na, ma Imam Zefanya fo Maaseya anan-na. Ana nadenus leo au mai fo lafa'da nonokek-ka nae lao ia,

² “Moke natutu'duk neme MANETUALAIN soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose MANETUALAIN tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

³Boema MANETUALAIN kokolak no au, boema au adenu hataholi fo manahaituak sila-la

⁴leu lafa'da neu Zedekia lae MANETUALAIN o Israel Manetualain nafa'da nae, “Zedekia, neukose au tao akala o soloda'dun-nala fo ala bei latee-latati la'ban Babel manen no soloda'dun-na. O soloda'dun tee-tafan-nala neukose au tao aodos nai kota tala'da heon.

⁵Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

⁶Neukose au isa basa kota ia laun-nala; leomae hataholi daebafak do bana-manu boeo, neukose mates nanahu he'di-laus fo mabela ina.

⁷O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, MANETUALAIN, nde manakokolak.”

⁸Boema MANETUALAIN nadenu au afa'da ae leo ia neu anan-nala, “Mamanene! Au, MANETUALAIN, fe emi hima hehelek esa: enok fo mananeu leo maso'dak neu do, enok fo mananeu leo mamates-sa neu.

⁹Basa hataholi fo mana leo nai kota dalek-ka neukose mates nanahu natee-natatik-ka, la'a-ndoes-sa, do he'-laus matuaina. Tehu sila fo manakaluak soaneu lata neu hataholi Babel-la fo ala bei sapu-la kota ia, soona neukose ala laladeak ma nana tao nisa tak fa.

¹⁰Au aketu basa so, soaneu tao akalulutuk kota ia, te au ta sue-lain fa. Neukose kota ia nanafeek neu manek Babel-la; neukose au ot heni la'i esak-kana makandondook. Au, MANETUALAIN, nde manakokolak-ka.”

¹¹MANETUALAIN nadenu au anduku-alosak hala heheluk ia neu manek Yehuda, fo Dauk tititi-nonosin uma isin-nala: “Mamanenehata fo au, MANETUALAIN, afa'dak-ka. Tao matebebes-sa fo ela ndos ma matetuk-ka nananakalala'ok su'di faik. Po'i hataholi manake'di-ndiuk neme hataholi fo manake'di-ndiuk-ka koasan-na mai. Metema ta soona, neukose tatao-nono'ik mangalauk fo o tao-no'ik-ka ana taon-na au nasa-melung lua ponu-ponu saman-na leo ha'i-a fo ta hapu nakamate fan.”

¹³Makabuin-na boema MANETUALAIN nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

¹⁴tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, MANETUALAIN, nde manakokolak-ka.”