Read Termanu YEREMIA 52 Bible Online

YEREMIA 52 - Termanu bible

YEREMIA 52

¹Zedekia teuk dua hulu esa boema ana da'di manek nai Yehuda. Ana paleta Yerusalem teuk sanahuluh esa. Inan na'de Hamutal, fo Yeremia maneme kota Libna anan ndia.

²Sama leo manek Yoyakim, manek Zedekia boeo ala tao sala-singok neu MANETUALAIN.

³MANETUALAIN namanasa nanseli neu hataholi Yerusalem ma Yehuda boema ana usi henis de ta nasulu-nahapa fa. Zedekia ana tao nasak neu Nebukadnezar fo manek Babel,

⁴ hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

⁵Ma ala okofefeo-la kota ndia losa teuk kasanahulu esan-na fo manek Zedekia paletan-na.

⁶Nai bulak kahaa fain sio teuk ndia dalen-na, la'as matua mai de la'u-nala de ta lanuu nana'ak fa.

⁷ Papala-nanadamak-kala musu-la tao lalutun. Leomae le'odae ndia hataholi Babel-la okofefeo-la kota ndia, soloda'du Yehuda-la lalai leo Dokek Yarden. Ala la'ok tunga osi manek-ka matan-na, boema ala kalua tunga lelesu ina fo mananakatututik neme papala-nanadamak kaduak sila.

⁸Tehu soloda'du Babel-la usi manek Zedekia, ma ala ho'u lan neme dae Yerikho. Ana manatungan-nala lalai la'o ela.

⁹Boema loo manek Zedekia leo manek Nebukadnezar nai kota Ribla fo dae Hamat-ta, de ala latu'da huhukuk mamates ba'eneun.

¹⁰Nai kota ndia boeo ala tao lisa anan-nala nai matan-na, boema ala tao lamate basa manamauli-malangan nusak ndia.

¹¹ Basa ndia boema ala e'do heni Zedekia matan-na boema ala hela loloson neu leo Babel. Leu na boema ala fen leo bui dale, de ana ta kalua losa maten.

¹²Nai bulak kalima fain sanahulu ma teuk kasanahulu sion-na manek Nebukadnezar paleta nai Babel, Nebuzaradan neu leo Yerusalem, ndia nde been-na Nebukadnezar manamauli-malangan ma manamanean-na.

¹³ Nebuzaradan de'de heni MANETUALAIN Uman-na, uma manek-ka, ma basa hataholi nananita-nalelak nai Yerusalem uman-na.

¹⁴Boema basa ana manatungan-nala tao lakalulutuk papala-nanadaman-nala.

¹⁵Basa boema laun fo manai kota ndia nde been-na ela ka'da hataholi nuu-taa hata-taak-ka, ma hataholi mana malaik leo Babel leu-a Nebuzaradan fu'a neni la'iesak-kala leo Babel.

¹⁶Tehu laun fo ta manamanuu-hata-taak-ka fa ana la'o elas lai Yehuda, boema ana fes tao osi angol ma tina-osi.

¹⁷ Basa Dii liti ma kaleta manai MANETUALAIN Uman-na, ule liti hataholi Babel tao lakalulutuk-kasa, boema ala fua leni basa liti-la leo sila nusan-na.

¹⁸Hata nanafua nenik-kala nde ia; ai kakaik, mei fo mamana afu, bua-lo'a banu anak, mango fo latanee lenik bana tutunu-hohotuk-kala daan-na, mango fo ala tunu-hotu boomenik boema basa bua-lo'a liti fe'ek-kala fo ala tau neu sosongo-tatangok.

¹⁹Bua-lo'a lilo pilas ma lilo fulak fo mango anak-kala ma mamana ha'i-la, mango fo latanee lenik bana tutunu-hohotuk daan-nala, mamana afu, banu anak-kala ein-na, mango fo ala tunu-hotu boomenik, ma mango fo ala po'a oe angol neu-a Nebuzaradan de ho'i-na sala.

²⁰Boalo'as liti fo manek Salomo tao neu MANETUALAIN Uman-na nde bee soona dii kaduak-kala, kaleta-kala, sapi kasanahulu duak fo manalu'a ule dae basas bela nan seli, de ta hapu tai nala bela-nala fa.

²¹Dii liti kaduak sila-la sama: Esa soona deman-na metel falu ma loa bobongon-na matel lima seti telu, ma tala'da-na louk. Liti kakaten-na mili hitu huluh lima. Nai dii sila-la lain hapu dii langak fo dedeman-na metel dua senti dua. Ala ane bua-lo'a delima neme liti mai nde ana akofeo-na dii langak sila.

²³Boa delima nanaanek fo manai dii-la langan ndia dede'un-na natun esa, tehu ka'da sio hulu ne hapu nitan neme dae mai.

²⁴Fe'ek neme ndia mai, Nebuzaradan ho'u-na Seraya fo imam matua Zefanya fo lima kona-na, hataholi kateluk manamanea MANETUALAIN Uma lelesun-na.

²⁵Manek-ka mauli-malanga ka hitun-nala bei lahele lai kota, malanga soloda'du, malanga soloda'du lima konan fo manasulak ma hataholi matua-madema fe'ek nee huluh.

²⁶Basa hataholi sila-la los leu leo manek Nebukadnezar nai kota Ribla,

²⁷nai dae Hamat. Nai na ala fes doidoso ma ala tao lisas. Hataholi Yehuda-la nanafook leondiak neme sila nusan leo mamana ookak-ka neu;

²⁸Dede'un-na hataholi lifun haa natun nee. Nebukadnezar fuas nakatata'dak leoiak: nai teuk kahitun-na fo ana paleta ndia ana fua hataholi lifun telu dua huluh telu, nai teuk kasanahulu falun-na fo ana paleta ndia ana fua hataholi natun falu telu huluh dua neme Yerusalem manai teuk kaduahulu telun-na fo Nebukadnezar paletan-na ana fua hataholi natun hitu haahuluh lima.

³¹Nai bulak kasanahulu dua fain dua huluh lima fo teuk kahulu hitun-na Yoyakhin nanafoo nenik leo mamana ookak, Ewil-Merodakh da'di manek Babel. Nai teuk ndia dalen-na boe natu'du dale susue-lalain neu Yoyakhin ma ana po'i neme bui dale,

³²ma ana ta tao mangalauk neu fa. Ana fe Yoyakhin mamana tutu'uk madema, dema seli manek fe'ek fo manafook leo Babel.

³³Ala fen loak fo ana nggati bua-lo'a nanapake neme bui dale mai, ma losa dodoon-na neme fai naso'dan ndia ana hapu na'a nai uma manek, ma ala fen doik tunga faik fo ana asa neu ndia palun-nala nai fai sa'dan-na.