Read Termanu YESKIAL 25 Bible Online

YESKIAL 25 - Termanu bible

YESKIAL 25

¹ MANETUALAIN nafa'da au nae,

²“Hai hataholi daebafak fo, manasapu-manalalok-konei, soo-supa nusa Amon-na.

³Madenu leoina ndia, fo namanene hata fo Au, MANETUALAIN Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

⁴Hu ndia de, Au po'ilotak emi, fo leoina-kala leme moo solokaek Dulu mai, fo ala sengi emi. Neukose, ala lapadedeik sila uma ofun-nala, nai emi nusam-ma, fo ala leo lahele leme ndia. Neukose la'a emi ai boam-mala, ma linu emi bana-manum su'uoen-na.

⁵Neukose, Au tao asafali kota Raba da'di mamana foo onta, ma basa nusa Amon-na lala'en-na, ana da'di mamana foo bi'ilopo. Soona besak-ka emi bubuluk mae Au nde, MANETUALAIN-na.’ ”

⁶MANETUALAIN Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

⁷Hu ndia de, neukose Au fe emi leo leoina-kala meu, fo ala lamanako ma ala loso-la, basa emi hata-hetom lala'en-na. Naukose, Au tao amate-amopo emi, nalosa emi ta da'di leoina esa so'on, ma boeo emi nusa mesam ta so. Soona besak-ka emi bubuluk mae Au nde, Manetualain-na.”

⁸ MANETUALAIN Fo Mademaina, nafa'da nae, “Moab nafa'da nae Yehuda ndia, sama leo leoina fe'ek-kala boe.

⁹Hu ndia de, kota-kota fo manalakataka nusa Moab-pa dae toon-nala, neukose Au po'ilotak musu-a sapu-nalas, fo nai dalek hapu kota neulauk-kala boe, fo nde Bet-Yesimot, Baal-Meon ma Kiryataim.

¹⁰Neukose, Au po'ilotak leoina-kala, leme moo solokaek dulu mai, fo ala sengi Moab sama-sama no nusa Amon-na, nalosa Moab ta nalupa leoina esa so'on.

¹¹Neukose, Au huku Moab, soona besak-ka ala bubuluk lae Au nde, MANETUALAIN-na.”

¹² MANETUALAIN Fo Mademaina, nafa'da nae, “Leoina Edom-ma, ana tao sala matuaina, nanahu ana tao Yehuda no ta pake ha'da hataholik fa, da'di leo tatao-nono'ik fo, ana balas nape'da dalen-na neu Yehuda.

¹³Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

¹⁴Neukose Au pake, Au leoina Israel, soaneu balas Au nape'da daleng neu Edom-ma, de neukose ala tao Edom, nandaa no Au nasa-melung manalua ponu-ponung-nga. Neukose, Edom name'da nita la'dan-na leobeek, metema Au nasa-melung tu'da la'en. Au, MANETUALAIN Fo Mademaina, nde manakokolak-ka.”

¹⁵ MANETUALAIN Fo Mademaina, nafa'da nae, “Hataholi Filistin-nala, balas sila nape'da dalen-na neu sila musu matuainan-na nenik ala tao lamate-lamopos.

¹⁶Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

¹⁷Neukose, Au hukus nenik huhuku mabelaina nanseli, fo Au hapu kaluaheni Au nape'da daleng-nga, fo besak-ka Au daleng-nga tesa-tama. Metema lame'da lita Au nasa-melung soona, besak-ka ala bubuluk lae Au nde, MANETUALAIN-na.”